Bibliotheca Polyglotta

(5)ji lta ba bźin ñin źag ’ga’ źig de rnams kyis | | de rnams mchod pa dam pa rnams kyis mchod pa ste | | chab ’og rgyal phran pho ña bdun rnams rim gyis ni | | de yi ched du groṅ khyer der ni ñe bar ’oṅs | |

de nas de’i tshe gaṅ rnams thos nas dus su ni | | ṅa rgyal las daṅ de yi gus pa’i dbaṅ las ni | |
(6)gyad rnams ’thab mo la yaṅ ṅes par soṅ ba ste | | sbyin pa la ni yid rnams byas pa ma yin no | |

de nas de dag rnams kyis rnam gźag ’di rtogs nas | | rluṅ bdun bźin du mi dbaṅ bdun po de rnams ni | |
gyen du źugs pa’i gaṅ g’a’i śugs ’dra stobs tshogs ni | | śin tu drag po rnams kyis ku śa (7)źes byar ’oṅs | |

de nas groṅ ba’i skye bo nags mtha’ nas skyen par | | mi skyoṅ de dag rnams kyi mgyogs ’gro’i sgra yis ni | |
khros pa las ni mgo bo rnams la bzuṅ ba bźin | | ’jigs pas rgyas pa’i gdoṅ rnams groṅ khyer la źugs so | |

de nas mi skyoṅ de rnams groṅ khyer de bkag nas | | glaṅ (99b1)po’i dbaṅ po rnams bciṅs rtsed mo’i nags rnams su | |
gyad mchog rnams kyis mi mthun spyad du gyur pa rnams | | rigs kyi rjes mthun cha lugs ldan rnams la gsos so | |

de nas mda’ yab mdzes śiṅ riṅ pa’i smin ma de | | sgo yi mig ni rnam par btsums śiṅ groṅ khyer de | |
mi dga’ ba daṅ ’dus pa’i yan (2)la ma bźin du | | dpuṅ pa’i khyogs ni bteg pa ñam thag par gyur to | |

rgyal po bdun po rnams ni bya ba gcig pa ste | | dpal gyis ’bar źiṅ śugs kyis ’phro ba rnams kyis ni | |
mñam du dus gcig la ni gza’ bdun rnams kyi ni | | ’jigs pa daṅ bcas nam mkha’ bźin dus gyur to | |

(3)sna rnams gñis ’thuṅ myos pa’i chaṅ dri rnams kyis daṅ | | mig rnams dpuṅ gis bsnun pa’i rdul rnams dag gis daṅ | |
rna pa rnams ni rta glaṅ rṅa yi dbyaṅs rnams kyis | | mi mo’i skye bo yi yaṅ der ni bcom par gyur | |

de nas skyogs rnams naṅ du khu ba ’bab pa ni | | mdun du bdar rnams bsdogs byas (4)rta pa’i tshogs rnams daṅ | |
glaṅ po rnams kyis yoṅs bskor sgo ni phyed bkag ste | | ’gegs śiṅ g-yul la phyogs rnams kyis byas so | |

de nas śag ti ral gri mda’ lag groṅ khyer pa | | skrag pas da ni dpa’ bas ṅo tsha btaṅ ba rnams | |
khra rnams bźin du dgra bo rnams la lta bźin du | | ñe ba’i ’thab ra rnams su kun (5)nas gnas pa’o | |

brtan min ldan pa kha cig ’o dod ’boṅ pa ste | | de bźin gźan rnams tshogs nas duṅ ni rab tu sgrogs | |
drag tu dregs rnams kha cig rab tu ’phen pa ste | | de bźin gźan rnams ral gri sṅon po rnams ’debs so | |

de nas rgyal ba’i ched du gyad rnams ’thab ’dod ciṅ | | gyad rnams bźin du mtshan rnams sgrogs (6)pa mthoṅ nas ni | |
g-yul ’gyed yan lag ma rnams dag gi sems rnams daṅ | | sman rnams daṅ mñam mchod yon rnams ni g-yos par gyur | |

g-yul der thog mar ’gro bar ’dod pa’i bul ni | | yul ’gyed yan lag ma rnams der ni yoṅs ’dar źiṅ | |
go cha bciṅs nas źi ba’i śes pa byed pa ste | | sems khral gdoṅ (7)rnams mchi ma bton pa ma yin no | |

sems khral gdoṅ las gźan rnams ri dags mo bźin du | | khyim thab ’gro bar ’dod pa’i gźu la ’phyaṅs pa ste | |
gaṅ gi gdoṅ ni ’thab la dpa’ ba de mthoṅ nas | | bciṅs pa’i ’phro spoṅ soṅ ba ma yin gnas ma yin | |

bum pa’i naṅ du yaṅ dag bkag pa’i sbrul rnams bźin | | stobs (100a1)kyis de ltar rab tu ’phro ba de rnams ni | |
de ltar rnam par gźag pa’i gyad rnams mthoṅ nas ni | | mi dbaṅ rnams kyis g-yul gyi ched du blo bsams so | |

śiṅ rta glaṅ po rta daṅ rkaṅ thaṅ dregs pa ni | | g-yul la kun nas ñe bar gźol ba mthoṅ nas ni | |
(2)mkhas pa ñid kyis daṅ ni mdza’ bo ñid kyis ni | | gñis skyes bre bos tshig ni ’di skad ces smras so | |

g-yul du dgra bo rnams kyi srog daṅ dregs pa ni | | khyed cag rnams kyi mda’ yis ’joms par nus pa ste | |
rdzod pa tha dad gnas rnams bde bar (3)mi nus na | | pha rol bya ba gcig pa rnams ni smos ci dgos | |

ci ste kun nas bkag pas pha rol ’joms pa la | | blo ni byas rnams de ni rnam par zlog mdzod daṅ | |
ñes pa med pa’i groṅ pa’i skye bo ’gegs pa yi | | gtse bar byed pa de ni chos ni ci źig yin | |

doṅ du źugs (4)pa’i nag po’i sbrul rnams bgrod pa ni | | gcig la gnas pa rnams kyis dus su rmugs pa bźin | |
bkag nas rgyal ba mtha’ gcig yod pa ma yin źiṅ | | brgya la bkag pa rnams kyis rgyal ba ’thob par ’gyur | |

groṅ gi naṅ du bkag pa’i gtad rnams (5)źugs pa rnams | | yid daṅ ldan pa ñid las mi rnams kyis thos nas | |
bsreg bya rnams kyis ’thor ba’i chuṅ du’i me bźin du | | gzi brjid dman kyaṅ legs pa chen por ’gro bar ’gyur | |

chos kyi bdag ñid can rnams groṅ du bkag na yaṅ | | ’joms ’dod (6)thob pa rnams ni dka’ thub gyis gtor te | |
dpuṅ ni zad par gyur kyaṅ k’a śa’i groṅ khyer du | | lag pa sgra byed chos kyi stobs las rnam par rgyal | |

sñan grags ched dam yul ni ’thob pa’i ched du sa | | mtha’ dag gaṅ rnams kyis kyaṅ mṅon par thob pa ste | |
ba laṅ (7)rnams kyis chu gnas nas chu ’thuṅs nas bźin | | bor nas nor ’dzin bdag po de rnams sa la soṅ | |

de phyir chos daṅ don ni yaṅ dag mthoṅ nas su | | khyed cag rnams kyis źi bas ’bad pa mdzod cig daṅ | | mda’ yis ’pham pa rnams ni slar yaṅ ’bar ba ste | źi bas (100b1)’pham pa rnams kyi rnam ’gyur yod ma yin | |

’di kun khyed cag rnams kyi tshad ma ma yin te | | khyed kyi stobs kyi dgra yi stobs las ’gro bar nus | |
ś’akya thub pa gaṅ la mchod par blo yod na | | de ñid kyi ni gsuṅ la bzod pas bsñen mdzod cig | |

de skad ces sogs ’dod pa (2)rnam par ṅes pa ni | | bram ze’i draṅ pos daṅ ni rab tu dga’ ba yis | |
rgyal po yin yaṅ rjes su bstan nas legs pa des | | dge legs smras śiṅ de nas de rnams kyis smras so | |

dus daṅ sbyar te mkhas śiṅ phan la bśes kyis ni | | tshig gaṅ ’di de kyed kyis rnam par smras pa ste | |
(3)chos la dga’ ba ñid daṅ stobs la brten pa las | | rgyal po rnams kyis bsam pa ṅes par śes par mdzod | |

’dod pa’i phyir daṅ khro phyir stobs phyir ’chi ba’i phyir | | phal che bar ni bya bar soṅ źiṅ ’gro ba ste | |
mṅon pa’i ṅa rgyal daṅ bcas kho bo cag rnams kyis | | saṅs rgyas ñid la (4)mchod pa la ni gźu rnams bzuṅ | |

ṅa rgyal don du mchod yon blaṅs la rtsod pa ni | | byis pa skyoṅ daṅ drag po dag gis khyab ’jug byuṅ | |
ṅa rgyal spaṅ phyir mchod pa’i don du ṅed rnams kyis | | tshe rnams dag kyaṅ ’dor bar mi bgyi gaṅ las yin | |

bu mo la ni sa skyoṅ dag gi rgyal (5)po rnams | | gtum po loṅ byed rnams ni rtsod par soṅ ba ste | |
’dod pa ’joms phyir mchod pa’i don du ṅed rnams kyis | | tshe rnams dag kyaṅ ’dor bar mi bgyid gaṅ las yin | |

rgyal rigs zad phyir draṅ sroṅ drag tu khros pa ni | | ṅan spoṅ bu yis g-yul du mtshon rnams bzuṅ (6)ba ste | |
khro ba ’joms phyir mchod pa’i don du ṅed rnams kyis | | tshe rnams dag kyaṅ ’dor bar mi bgyid gaṅ las yin | |

lha mo s’i tar mṅon brjod ’chi ba yoṅs bzuṅ nas | | srid po śin tu dregs pa yaṅ ni ñams pa ste | |
yoṅs ’dzin spoṅ phyir mchod pa don du ṅed rnams (7)kyis | | tshe rnams dag kyaṅ ’dor bar mi bgyid gaṅ las yin | |

ae di lam ni pa ka źes ni dgra ’phel źiṅ | | rgyal rigs bye ba rnams ni de ltar ñams pa ste | |
rmoṅs mun gtor phyir mchod pa’i don du ṅed rnams kyis | | tshe rnams dag kyaṅ ’dor bar mi bgyid gaṅ las yin | |

(101a1)de skad ces sogs ’jig rten dag na ’thab mo ni | | skyon las skyes pa maṅ po rnams ni byuṅ gyur te | |
ston pa bla na med pa’i gus pas mchi ba daṅ | | bcas pa yin kyaṅ ’thab mo mi bgyid gaṅ las yin | |

de lta na yaṅ bdag cag rnams kyi ṅes pa ’di | | (2)khyed kyi pho ñar gyur cig skyen par gśegs mdzod la | |
ji ltar don ni ’thab mo min pas ’grub pa cig | | de ltar bdag ñid kun gyis ’bad pa gyis mdzod cig | |

khyed kyis chos ldan tshig rnams kyis ni ṅed cag rnams | | ’thab par ’dod ciṅ mda’ yi mche ba rnon po can | |
(3)naṅ du rab tu ’phel ba’i dug ni ’thuṅs pa rnams | | sṅags rnams kyis ni sbrul rnams bźin du bkag pa’o | |

de ltar bgyi źes rgyal po rnams kyi tshig bzuṅ nas | | bram ze de ni groṅ khyer de la rab źugs śiṅ | |
ji ltar rim gyis gyad rnams dag ni mthoṅ ba ste | | mthoṅ nas (4)dus su tshig ni ’di skad ces smras so | |

gźu rnams lag na gnas pa’i mi dbaṅ ’di rnams ni | | ñi ltar byi dor go cha ’bar rnams kyis | |
khyed cag rnams kyis groṅ ’dir ṅes par ro myaṅ źiṅ | | seṅ ge bźin du rnam par ’gyiṅ źiṅ gnas pa’o | |

de rnams kyi ni śubs su bkod (5)pa’i ral gri daṅ | | gser gyi rgyab ldan gźu rnams ṅes par rtogs pa ste | |
grub ba’i chos dran nas ni chos min gyis ’jigs śiṅ | | źu ba gsol bar byed de g-yul la ’jigs rnams min | |

de rnams mṅon par ’oṅs rnams sa yi phyir min źiṅ | | nor phyir ma yin (6)rgyags phyir ma yin dgra phyir min | |
thub pa’i gus pas ṅed cag rnams kyi źe sa ’di | | de phyir khyed cag rnams kyi bya bas bkur sti mdzad | |

thub pa de la khyed cag gi daṅ ṅed cag gi | bla ma ñid du mñam ste ’di las ṅal ba ’di | | de phyir spun gyi tshogs ni ’dus nas (7)’oṅs pa ste | | bla ma’i gduṅ rnams mchod pa la ni bya ba gcig | |

ji ltar chos kyi cho ga la ni ser sna ñid | | nor rnams la ni ser sna de ltar skyon ma yin | |
ser sna smra ba ṅes pa ñid du skyon yin źiṅ | | skyon ni chos kyi dgra bor gyur pa ñid yin no | |

gal te mi sbyin par ni khyed (101b1)rnams kyis ṅas na | | rdzoṅ nas ’thon nas ’gron po rnams la bsñen par mdzod | |
gaṅ rnams kyis stobs mṅa’ rnams ma yin sgo glegs rnams | | de rnams rigs su skyes pa’i rgyal rigs ma yin no | |

byams pa daṅ ni gzi brjid ston par byed bźin du | | mi dbaṅ rnams (2)kyis khyed cag rnams la de skad smras | |
bdag gi smra ’dod gaṅ yaṅ raṅ gis rtogs nas su | | dga’ las bdag gi de ni khyed cag rnams kyis ñon | |

’ga’ źig rtsod pa dge ba ma yin chos min te | | rnam par ’gras par ma ’gro źi ba bsñen par mdzod | |
thub pa des ni bzod (3)pa rab tu bsṅags pa ste | | gaṅ gis gus pas me ni kun nas ’phel bar ’gyur | |

nor daṅ ’dod pa dag gi gcig gi ched du ni | | rnam par rtsod pa tshul ni ñe bar ’gyur ba ste | |
chos kyi ched du slar yaṅ ’phags par gyur pa ni | | źi ba daṅ ni dgra bo rnam par rtsod par smra | |

gaṅ źig ñe (4)ṅar źi źiṅ byams pa’i thugs kyis ni | | sems can thams cad rnams la brtse ba gsuṅs pa ste | |
thugs rje chen po mṅa’ ba de la mchod pa ni | | ’tshe ba byas nas bdag gi lugs daṅ mtshuṅs ma yin | |

de phyir gduṅ ni rab tu sbyin las ’di rnams la | | grags pa daṅ ni chos kyis (5)yaṅ dag bgo ba mdzod | |
de ltar gyur na khyed kyis rtsod min de dag daṅ | | de dag gis kyaṅ chos daṅ grags pa ’thob par ’gyur | |

chos ldan skyes bu rnams kyis chos las g-yos pa ni | | chos la ’bad pa las kyaṅ ṅed rnams kyis sbyor na | |
gaṅ bdag rnams kyis gźan dag chos la sbyor (6)byed pa | | de dag rnams kyis chos ni gnas pa’i ched du ’jug | |

draṅ sroṅ dam pa mchog gis chos kyi sbyin pa ni | | sbyin pa thams cad kyi ni khyad par ’phags par gsuṅs | |
gaṅ źig la las nor la sbyor bar byed pa ste | | chos kyi sbyin pa po ni rnam par bsags pa yin | |

de nas (7)sñan grags daṅ ni bde ba ’dren pa daṅ | | chos kyi tshig ni de las ñe bar thob nas ni | |
ṅo tsha daṅ bcas phan tshun lta ba de rnams kyis | | bre bo’i rigs mñam bram ze la ni smras pa’o | |

ae ma mdza’ bo’i dge la khyod kyis ṅes pa ste | | yon tan rnams la bram ze’i rjes su mthun pas (102a1)chags | |
lam gźan gyis ni ’khrul ba’i rta ṅan rnams bźin du | | gaṅ gis legs par bsñen pa’i lam la bkod par ’gyur | |

ji ltar smras pa de ltar de ni ldan ’gyur źiṅ | | brtse źiṅ mñen pa’i tshig ’di ’dzin par rigs pa ste | |
mdza’ bo’i skye bo’i tshig la (2)śin tu ’das nas su | | phyi nas sdug bsṅal ñid du lhuṅ rnams mya ṅan ’gyur | |

de nas ’gro ba’i khams rig gduṅ ni gyad rnams kyis | | de rnams brgyad du gus pas yon tan las bgos so | |
de nas raṅ ñid kyis ni cha śas bzuṅ nas ni | | bdun po so so so sor gźan rnams la byin to | |

(3)gyad rnams dag gis mṅon mchod sa skyoṅ de rnams kyaṅ | | dga’ źiṅ don byas rnams ni raṅ yul rnams su gśegs | |
de nas draṅ sroṅ gis gduṅ de rnams cho ga bźin | | raṅ groṅ rnams su mchod rten rab gnas rnams de byas | |

de nas raṅ gi yul du thub pa’i mchod rten ni | | byed ’dod (4)bre bos so sor bgos pa’i bum pa blaṅs | |
sol ba lhag ma rnams kyaṅ pi sa la źes pa’i | | gus pas rjes su rab ldan rnams kyis bslaṅs par gyur | |

de nas gduṅ gi sñiṅ po can gyi sṅon du brgyad | | brag ri dkar po daṅ mtshuṅs mchod rten rnams gyur źiṅ | |
de yi bum pas (5)bsñen pa bram ze’i dgu pa ste | | sol ba’i sñiṅ po daṅ ldan bcu pa byuṅ bar gyur | |

thub pa’i mchod rten sna tshogs ba dan g-yo ba rnams | | ti se’i gaṅs ri’i rtse mo daṅ mtshuṅs de rnams la | |
raṅ gi skye bo daṅ bcas mi skyoṅ de rnams daṅ | | skye dgu daṅ bcas bram ze rnams kyis (6)sa na mchod | |

phreṅ ba mṅon sbyar rnams daṅ dri bzaṅs mchog rnams daṅ | | phreṅ ba dge ba rnams daṅ sil sñan dbyaṅs rnams kyis | |
mchod pa dam pa mi skyoṅ de rnams de rnams kyis | | rgyal ba’i gduṅ ni ’dzin pa de rnams la byas so | |

de nas dus su dgra bcom rnams kyi lṅa brgya (7)rnams | | ri bo lṅas mtshan groṅ khyer du ni yoṅs ’dus nas | |
slar yaṅ ji lta ba bźin chos ni gnas pa’i phyir | | thub pa’i gsuṅ ni ri yi logs su yaṅ dag bsdus | |

gnas skabs kun du draṅ sroṅ che las thos pa ni | | kun dga’ bo ñid yin źes ṅes par gyur pa yi | |
dge (102b1)sloṅ de rnams kyis ni ’dus pa mthun pa ru | | gsuṅ bar źu źes lus ’phags thub pa la źus so | |

de nas de dag rnams kyi dbus su de bźugs nas | | smra ba rnams kyi mchog gis ji ltar gsuṅs pa’i tshig | |
gaṅ du gaṅ la gaṅ gi tshe na gaṅ źig daṅ | | ’di skad bdag (2)gis ’di ni thos źes gsuṅs par gyur | |

de phyir dgra bcom rnams kyis rjes su bciṅs pa des | | thub pa chen po’i chos kyi bstan bcos gnas pa ste | |
gaṅ źig ’bad pas yaṅ dag rab tu thob pa ni | | mya ṅan ’das śiṅ ’da’ la mya ṅan ’da’ bar ’gyur | |

dgra bo kheṅs (3)pa rnams kyi mya ṅan ster ba po | | skye dgu sdug bsṅal rnams kyi mya ṅan gcod pa po | |
me tog ’bras ldan mya ṅan med ltar blta na sdug | | dus su de gus sa bdag mya ṅan med pa byuṅ | |

’phags pa moo rgya’i dpal des skye dgur phan don du | | ’jig rten kun la mchod rten mtshan ma (4)byed du bcug | |
gtum po mya ṅan med ñid thob nas sa la ni | | chos rgyal mya ṅan med ñid las de thob par gyur | |

mṅon du byas pa’i mchod rten bdun po de rnams las | | draṅ sroṅ de yi gduṅ rnams moo rgya des blaṅs nas | |
dpal ldan mchod rten ston ka’i sprin gyi ’od rnams kyi | | (5)stoṅ phrag brgyad cur babs pa dus su źag gis byas | |

dga’ byed groṅ gnas mchod rten brgyad pa daṅ po ni | | de yi dus su gus ldan klu rnams kyis bsruṅs te | |
de phyir gduṅ rnams thob pa ma yin rgyal bo des | | der byas pa la ma dad rgya chen gyur pa’o | |

de’i phyir yid kyis (6)dgra bo ’bras bu rnams la ni | | kun nas gnas śiṅ g-yo ba’i dpal ni bsruṅs na yaṅ | |
mi skyoṅ des ni ṅur smrig gon pa las gźan du | | lta ba rnam par dag ciṅ ’bras bu daṅ po thob | |

de las gźan du gźan gyis thub pa’i mchod pa ni | | gaṅ gis byas śiṅ byed la byed (7)par ’gyur ba ste | |
dam pa’i skye bos bsñen pa’i ’bras bu bla na med | | de yis thob ciṅ ’thob la ’thob par ’gyur ba ñid | |

draṅ sroṅ bźugs pa la ni mchod pa sbyar nas sam | | yoṅs su mya ṅan ’das pa’i gduṅ la phyag byas nas | |
yid kyi daṅ ba mñam na ’bras bu mñam pa (103a1)ste | | saṅs rgyas yon tan rnams ni mkhas rnams śes par mdzod | |

de phyir rtag tu mchog gi chos ni mkhyen pa’o | | mchog tu mi ’gyur ’pho ba med pa brñes ldan pa | |
brtse ba daṅ bcas thub pa blo gros chen po ni | | mchod ’os mchog la mchod la dam (2)pa ’oṅs pa’o | |

mchog tu thugs rje daṅ ldan mchog gi thugs mkhyen pa | | gźan la phan phyir mchog tu ṅal bar byon pa de | |
mdzad pa mkhyen pa ñid kyis dam pa mkhas rnams kyi | | ’di na gtaṅ rag mchod pa gaṅ phyir ’os ma yin | |

sa na ’chi daṅ rga ba daṅ mñam (3)’jigs pa daṅ | | mtho ris dag na ’pho ba daṅ mñam yod min te | |
’gro ba’i de gñis mkhyen nas gaṅ źig gnas pa ste | | de phyir mchod par bya ba dam pa su ’dra yod | |

skye ba yod na bde ba min pa ’byuṅ ba ste | | yaṅ srid med las śin tu bde bas bde ba med | |
de (4)ni brñes śiṅ gaṅ gis ’gro la byin pa ste | | de’i phyir mchod par bya ba dam pa su ’dra yod | |

de ltar thub pa’i skyes mchog de yi gus pa yis | | mkhas ñid yon tan las min sñan dṅags nus pas min | |
thub pa’i luṅ gi rjes su ’braṅs nas ’di brtsams te | | skye dgu (5)rnams kyi phan daṅ bde ba’i phyir gyur cig | |

yul ś’a se ta ka’i gser mig ma’i bu dge sloṅ slob dpon sñan dṅags mkhan chen po | | smra ba daṅ ldan pa phyogs su rnam par grags pa | btsun pa rta dbyaṅs kyis mdzad pa’i | |

saṅs rgyas kyi spyod pa źes bya ba’i sñan dṅags chen po (6)las sku gduṅ rnam par bgo ba’i le’u ste ñi śu rtsa brgyad pa yoṅs su rdzogs so ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=86c80634-e7a7-102d-829a-001cc4df1abe

Choose languages

Choose images, etc.

Choose languages

Choose display