saṅs rgyas kyi yon tan gyi miṅ la mi mñam pa daṅ mñam pa’i phuṅ po daṅ | ye śes daṅ sku gsum la | asamasamapañcaskandha źes bya ba asama ni mi mñam (6) pa ste | sṅon gyi saṅs rgyas rnams la bya | sama ni mñam pa ste sṅon gyi saṅs rgyas de dag ñid daṅ mtshuṅs par gyur ba la bya | pañcaskandha ni phuṅ po lṅa ste zag pa med pa’i tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ ba’i phuṅ po ste | saṅs rgyas (7) rnams la mṅa’ ba’i phuṅ po ’di dag phal pa la med pas na mi mñam pa daṅ mñam pa’i phuṅ po lṅa źes bya |