(6)ldem por dgoṅs pa bźi la | catvāro ’bhisandhi źes bya ba ldem por dgoṅs pa bźi yin te | sems can chos la draṅs pa’i phyir theg pa chuṅ ṅu las bdag daṅ gaṅ zag la sogs pa yod par bśad pa lta bu gźug pa la ldem por dgoṅs pa daṅ | kun brtags pa dṅos po med par bśad pa (7)daṅ | gźan gyi dbaṅ rten ciṅ ’brel par bśad pa daṅ | yoṅs su grub pa mi ’gyur ba daṅ phyin ci log par bśad pa lta bu mtshan ñid la ldem por dgoṅs pa daṅ | sems can gyi spyod pa brgyad khri bźi stoṅ gi gñen por chos sna tshogs bśad pa lta bu gñen po la ldem por dgoṅs pa daṅ | (152a1)ñon moṅs pas gnas na byaṅ chub kyi mchog thob po źes ’byuṅ ba lta bu byaṅ chub kyi spyad pa dka’ ba la dgoṅs te ñon moṅs pa źes gsuṅs pa la sogs pa bsgyur ba la ldem por dgoṅs pa daṅ ’di bźi ldem bu bźin du tshig thel gyis mi gdab par bsgyur te (2)bstan pa yin pas ldem por dgoṅs pa bźi źes bya | abhiprā ya daṅ ma ’dom na abhisandhi yaṅ dgoṅs par gdags |