bag la ñal ba daṅ phra rgyas
anuśaya źes bya ba chos mṅon pa’i gźuṅ daṅ sbyar na ’phags pa’i ye śes ma thob kyi bar du sems can gyi sems kyi rgyud la khyab par gnas (5)kyaṅ brtag dka’ ste phra ba daṅ | dmigs pa daṅ mtshuṅs par ldan pas ñon moṅs pa ’phel źiṅ rgyas par byed pa daṅ | rgya mtsho’i bya gnam la ’phur ba’i grib ma la chu srin sñeg pa’i miṅ ste phra rgyas źes bya | mdo sde pa ltar na ñon moṅs pa mṅon du ma byuṅ ste | bag chags kyi tshul (6)du ñal ba ni anuśaya ste bag la ñal źes bya | ñon moṅs pa mṅon du byuṅ ste laṅs pa’i miṅ ni parivyutthāna źes bya ste | kun nas laṅs pa źes ’byuṅ bas chos mṅon pa’i skabs su ni phra rgyas źes gdags | mdo sde ba’i skabs su bag la ñal źes gdags |