You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Maṇḍape rukkhamūle vā suññāgāre vasantiyā /
mama saṅkappam aññāya pallaṅko upatiṭṭhati. // ApThi_2,14. // 
in progress 
Ayaṃ pacchimako mayhaṃ carimo vattate bhavo /
ajjāpi rajjaṃ chaḍḍetvā pabbajiṃ anagāriyaṃ. // ApThi_2,14. // 
in progress 
Satasahasse ito kappe yaṃ dānam adadiṃ tadā /
duggatiṃ nābhijānāmi ekāsanaphalaṃ idaṃ. // ApThi_2,14. // 
in progress 
Kilesā . . . pe . . . pe . . . pe . . . // ApThi_2,14. // 
in progress 
Sāgataṃ . . . pe . . . pe . . . pe . . . // ApThi_2,14. // 
in progress 
Paṭisambhidā . . . pe . . . pe . . . pe . . . // ApThi_2,14. // 
in progress 
Itthaṃ sudaṃ āyasmā Ekāsanadāyikā bhikkhunī i. g. a-ti. 
in progress 
Ekāsanadāyikāya theriyā apadānaṃ samattaṃ. 
in progress 
(527) 15. Pañcadīpadāyikā. 
in progress 
Nagare Haṃsavatiyā cārikī ās’ ahan tadā /
ārāmena vihārena carāmi kusalatthikā. // ApThi_2,15. // 
in progress 
Kālapakkhamhi divase addasaṃ bodhim uttamaṃ /
tattha cittaṃ pasādetvā bodhimūle nisīd’ ahaṃ. // ApThi_2,15. // 
in progress 
Garucittaṃ upaṭṭhetvā sire katvāna añjaliṃ /
somanassaṃ pavedetvā evaṃ cintesi tāvade: // ApThi_2,15. // 
in progress 
"Yadi Buddho amitaguṇo asamappaṭipuggalo /
dassetu pāṭhīraṃ me bodhi obhāsatu ayaṃ // ApThi_2,15. // 
in progress 
Saha āvajjite mayhaṃ bodhi pajjali tāvade /
sabbasovaṇṇayā āsi disā sabbā virocati. // ApThi_2,15. // 
in progress 
Sattarattindivan tattha bodhimūle nisīd’ ahaṃ /
sattame divase patte dīpapūjaṃ akās’ ahaṃ. // ApThi_2,15. // 
in progress 
Āsanaṃ parivāretvā pañcadīpāni pajjaluṃ /
yāva udeti suriyo dīpā me pajjaluṃ tadā. // ApThi_2,15. // 
in progress 
Tena kammena sukatena cetanāpaṇidhīhi ca /
jahitvā mānusaṃ dehaṃ Tāvatiṃsaṃ agacch' ahaṃ. // ApThi_2,15. // 
in progress 
Tattha me sukataṃ vyamhaṃ pañcadīpīti vuccati /
saṭṭhiyojanam ubbiddhaṃ tiṃsayojanavitthataṃ. // ApThi_2,15. // 
in progress 
Asaṅkhiyāni dīpāni parivāre jaliṃsu me /
yāvatā devabhavanaṃ dīpālokena jotati. // ApThi_2,15. // 
in progress 
Pubbamukhā nisīditvā yadi icchāmi passituṃ /
uddhaṃ adho ca tiriyaṃ sabbaṃ passāmi cakkhunā. // ApThi_2,15. // 
in progress 
Yāvatā abhikaṅkhāmi daṭṭhuṃ sukatadukkate /
tattha me 'varaṇaṃ n’ atthi rukkhesu pabbatesu vā. // ApThi_2,15. // 
in progress 
Asītidevarājānaṃ mahesittam akārayiṃ /
satānaṃ cakkavattīnaṃ mahesittam akārayiṃ. // ApThi_2,15. // 
in progress 
(528) Yaṃ yaṃ yonūpapajjāmi devattaṃ atha mānusaṃ /
dīpasatasahassāni parivāre jalanti me. // ApThi_2,15. // 
in progress 
Devalokā cavitvāna uppajjiṃ mātukucchiyaṃ /
mātukucchigatā santī akkhi me na nimīlati. // ApThi_2,15. // 
in progress 
Dīpasatasahassāni puññakammasamaṅginā /
jalanti sūtikāgehe pañcadīpān’ idaṃ phalaṃ. // ApThi_2,15. // 
in progress 
Pacchime bhavasampatte mānasaṃ vinivaṭṭayiṃ /
ajarāmaraṃ sītibhāvaṃ nibbānaṃ phassayiṃ aham. // ApThi_2,15. // 
in progress 
Jātiyā sattavassā 'haṃ arahattaṃ apāpuṇiṃ /
upasampādayi Buddho pañcadīpān’ idaṃ phalaṃ. // ApThi_2,15. // 
in progress 
Maṇḍape rukkhamūle vā suññāgāre vasantiyā /
sadā pajjalate dīpaṃ, pañcadīpān’ idaṃ phalaṃ. // ApThi_2,15. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login