Svá sem liðir eru áfastir hǫfði ok stýrask af því, svá samtengisk heilǫg kristni Guðs ok gerisk einn líkamr með honum fyrir holdtekju hans, ok af honum stýrask allir réttlátir í sinni skipan sem liðir af hǫfði. Þessa hǫfuðs augu eru spámenn, er sá fyrir óorðna hlute, ok postular eða aðrir vísuðu rétta gǫtu til hins sanna ljóss. Eyru hans eru hlýðnir menn, en nasar skynsamir menn, þeir er gera gott frá illu svá sem nasar ilma daun. En horr er út fer ór nǫsum eru villumenn þeir er dómr skynsamra manna ryðr út ór hǫfði Krist s sem horr ór nǫsum. Munnr hans eru kennimenn er telja ok skýra helgar ritningar. Hendr hans eru ríkismenn þeir er berjask fyrir kristnum mǫnnum í gegn óvinum. Fœtr hans eru verkmenn þeir er upphald veitaǫllum lýð í sýnu erfiði . Saurr farandi ór kviði eru synðir ok synðugir menn ok óhreinir, þeir er þyngja kviði kristninnar. Þá grípa djǫflar í dauða svá sem svín í útgang, en allir líkamr Krists samtengisk í einu ástarbandi.
Complete text
I. LIBER PRIMUS: DE DIVINIS REBUS