Bibliotheca Polyglotta

Elucidarium

Complete text

Prologus

I. LIBER PRIMUS: DE DIVINIS REBUS

II. LIBER SECUNDUS: DE REBUS ECCLESIASTICIS

III. LIBER TERTIUS: DE FUTURA VITA

Back to library

[32. De culpa Prælatorum malis sacerdotibus conniventium, deque non ordinandis sacerdotum filiis.]

[Chapter 32]

[Kapitel 32]

1.200a. [D. Quid de pastoribus his consentientibus?

M. Legitur de Heli, qui filiis prave agentibus consenserit, et eos tepide super transgressione corripuerit, mortem corporis incurrisse, ubi manifeste ostenditur quia mortem, quam ille perpessus est in corpore, isti patiuntur in anima. I psi peccata deZinquentium fovent, quatenus ab eis temporalia commoda percipiant, ut ab aeterna beatitudine seclusi poenas aeternas cum eis luant. Aliqui, cum pastoris regimen suscipiunt, ad lacerandos subditos inardescunt, pecunias ab eis extorquent et diripiunt et sacri ordinis per omnia infideles existunt, ut dicitur: “Pastores infideles, socii furum, sequuntur munera manus eorum plenae rapina” (cf. Isa., I, 23).

1.200b. D. Sunt ordinandi filii sacerdotum?

M. Minime. Canonum decreta et sanctorum patrum instituta prohibent eos ad sacros ordines accedere nec in Ecclesia aliquam praelationem habere, quia ex fornicatione et transgressione sunt procreati, ex patribus enim venenatis virus veneni in filiis transiit.

1.200c. D. Proba.

M. Legitur quod Deus Adae praeceperit ne comederet de ligna scientiae boni et mali, at ille non de Zigno, sed de interdicti ligni fructu comedit et veneno trangressionis omnem posteritatem infecit. hic liquide patet, quia fructus interdicti ligni a veneno inobedientiae immunis non fuerit, quamvis fructum ligni comedere non vetuerit. (402)

1.200d. D. Quod est lignum scientiae boni?

M. Scientia divinarum scripturarum et notitia mysteriorum Dei, quod praecipue ipsis commendatum est, ut dicitur: “Vobis datum est nosse mysterium regni Dei (cf. Matth., XIII, 11).”

1.200e. D. Quod lignum mali?

M. Notitia saecularis et abfectio mandatorum Dei, ut dicitur “Sciunt malefacere, bene autem nunquam” (cf. J er., IV, 22). Isti quamvis sint inferiores, appetunt magis praeesse quam subesse. Hii ad sacros ordines nullatenus sunt promovendi, ut inter caeteros Ecclesiae filios habeantur verecundi et reficiant paenitendo venenum quo a patribus sunt infecti et resipiscant tali pudore sacerdotes caeteri. Hi nisi resipuerint paenitendo secundum modum culpae arbor cum radice exterminabitur sine fine, ut dicitur: “Propterea Deus destruet te in finem”, id est usque in finem, “et evellet radicem tuam de terra viventium” (Psal., LI, 7).

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=dd51048c-fcc1-11e6-9707-0050569f23b2

Choose languages

Choose images, etc.

Choose languages

Choose display