Magister. Rétt skilrðu.
Miklu œðri dýrð hafa þeir an þetta er allt.
Vænleikr (AM 674a:52) Absalons væri þar ferlíki,
því at fegrð þeira er sem sól, er (100) þá er sjau hlutum bjartari an nú, sem ritit er:
Guð endrskapar líkam lítillætis várs eftir glíkingu líkamsbirti sinnar.
Iflaust er at Iíkamr Krists er bjartari an sól, því at líkamr skapara er bjartari an skepna. Menn eru kallaðir musteri Guðs, en sól kallask eigi svá.
Ef líkamir heilagra skapask eptir líkamsbirti Krists, er sólu er bjartari,
en Guð byggvir í þeim sem í musteri, þá er nauðsyn at þeir sé ljósari an sól.
Slík er fegrð heilagra.
Frǫ́leikr Asaels væri þar seinn ófrǫ́leikr,
því at helgir fara jafn skjótt ór austri í vestr sem sól rennr upp í austri ok lýsir þegar í vestri ok megu þeir jafn skjótt fara […] (AM 674a:53)