Bibliotheca Polyglotta

Elucidarium

Complete text

Prologus

I. LIBER PRIMUS: DE DIVINIS REBUS

II. LIBER SECUNDUS: DE REBUS ECCLESIASTICIS

III. LIBER TERTIUS: DE FUTURA VITA

Back to library

[12. De judicio ejusque circumstantiis.]

[Chapter 12]

[Kapitel 12]

3.50 D. Qua hora fiet judicium?

M. Media nocte. Qua hora angelus Aegyptum devastavit et Dominus infernum spoliavit, ea hora electos suos de hoc mundo liberabit.

3.51 D. Qualiter veuiet Dominus ad judicium?

M. Sicut imperator ingressurus civitatem. Corona et alia insignia praeferuntur, per quae adventus ejus cognoscitur. Ita Christus in ea forma qua ascendit cum omnibus ordinibus angelorum ad judicium veuiens; angeli crucem ferentes praeeunt; mortuos et tuba et voce in occursum ejus excitant; onmia elementa turbabuntur, tempestate ignis et frigoris mixtim undique furente, ut dicitur: “Ignis ante ipsum praecedet et in circuitu ejus tempestas valida” (cf. Psat., XLIX, 3), et alibi: “Pugnabit orbis pro eo contra insensatos” (Sap., V, 2I).

3.52 D. Erit judicium in valle Josaphat?

M. Vallis Josaphat dicitur vallis judicii. Vallis semper est juxta montem. Vallis est hic mundus, mons est caelum. In valle ergo fit judicium, id est in isto mundo, scilicet in aere, ubi justi ad dexteram ut oves statuentur, impii autem ad sinistram ut haedi (10) ponentur. (458)

3.53 D. Quomodo ad dexteram vel ad sinistram?

M. Ad dexteram scilicet sursum iu gloria; ad sinistram deorsum in terra. Justi enim geminis alis caritatis ad alta sublevautur, ut dicitur: “Sancti sument pennas ut aquilae” (cf. I sa., XL, 31). Impii autem peccatis ut plumbum ad terrena, quibus toto corde inhaeserant, deorsum deprimuntur.

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=decedd75-fcc1-11e6-9707-0050569f23b2

Choose languages

Choose images, etc.

Choose languages

Choose display