Bibliotheca Polyglotta

Chāndogyopaniṣat

Chānd san, ca. B.C. 600, Prapāṭhaka, khaṇḍa, verse 8,6.1

atha yā etā hṛdayasya nāḍyas tāḥ piṅgalasyāṇimnas tiṣṭhanti śuklasya nīlasya pītasya lohitasyeti |
asau vādityaḥ piṅgala eṣa śukla eṣa nīla eṣa pīta eṣa lohitaḥ ||

Chānd-DSh, 1657, p.

Chānd-Anq-Dup, 1801-02, p.

Chānd-Mül, 1879-84

1. SIXTH KHANDA
Now those arteries of the heart consist of a brown substance, of a white, blue, yellow, and red substance, and so is the sun brown, white, blue, yellow, and red.

Chānd-Śaṃ, 8th c. A.D.

yastu hṛdayapuṇḍarīkagataṃ yathoktaguṇaviśiṣṭaṃ brahma brahmacaryādisādhanasaṃpannastyaktabāhyaviṣayānṛtatṛṣṇaḥ sannupāste tasyeyaṃ mūrdhanyayā nāḍyā gatirvaktavyeti nāḍīkhaṇḍa ārabhyate- atha yā etā vakṣyamāṇā hṛdayasya puṇḍarīkākārasya brahmopāsanasthānasya saṃbandhinyo nāḍyo hṛdayamāṃsapiṇḍātsarvato viniḥsṛtā ādityamaṇḍalādiva raśmayastāścaitāḥ piṅgalasya varṇaviśeṣaviśiṣṭasyāṇimnaḥ sūkṣmarasasya rasena pūrṇāstadākārā eva tiṣṭhanti vartanta ityarthaḥ | tathā śuklasya nīlasya pītasya lohitasya ca rasasya pūrṇā iti sarvatrādhyāhāryam | saureṇa tejasā pittākhyena pākābhinirvṛttena kaphenālpena saṃparkātpiṅgalaṃ bhavati sauraṃ tejaḥ pittākhyām tadeva ca vātabhūyastvānnīlaṃ bhavati | tadeva ca kaphabhūyastvācchuklam | kaphena samatāyāṃ pītam | śoṇita bāhulyena lohitam | vaidyakādvā varṇaviśeṣā anveṣṭavyāḥ kathaṃ bhavantīti | śrutistvāhā’dityasaṃbandhādeva tattejaso nāḍīṣvanugatasyaite varṇaviśeṣā iti | katham | asau vā ādityaḥ piṅgalo varṇata eṣa ādityaḥ śuklo ’pyeṣa nīla eṣa pīta eṣa lohita āditya eva || 1 ||

Permanent link

http://www2.hf.uio.no/common/apps/permlink/permlink.php?app=polyglotta&context=record&uid=cd283402-8e41-11ee-937a-005056a97067

Choose languages

Choose images, etc.

Choose languages

Choose display