You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Itthaṃ sudaṃ āyasmā Ānandatthero imā gāthāyo abhāsitthā ti. 
ได้ทราบว่า ท่านพระอานนทเถระได้ภาษิตคาถาเหล่านี้ ด้วยประการฉะนี้ 
Ānandattherassa apadānaṃ samattaṃ. 
อานนทเถราปทานที่ ๑๐ จบ 
Uddānaṃ: Buddho Paccekasambuddho Sāriputto ca Kolito Kassapo Anuruddho ca Puṇṇathero Upāli ca. Koṇḍañño *ca* Piṇḍolo *ca* Revat’ Ānanda paṇḍito chassatāni ca paññāsa gathāyo sabbapiṇḍitā. 
รวมอปทานที่มีในวรรค // รวมอปทานที่มีในวรรคนี้ คือ ๑. พุทธาปทาน ๒. ปัจเจกพุทธาปทาน ๓. สารีปุตตเถราปทาน ๔. มหาโมคคัลลานเถราปทาน ๕. มหากัสสปเถราปทาน ๖. อนุรุทธเถราปทาน ๗. ปุณณมันตาณีปุตตเถราปทาน ๘. อุปาลิเถราปทาน ๙. อัญญาโกณฑัญญเถราปทาน ๑๐. ปิณโฑลภารทวาชเถราปทาน ๑๑. ขทิรวนิยเรวตเถราปทาน ๑๒. อานันทเถราปทาน รวบรวมคาถาไว้ทั้งหมดได้ ๖๕๐ คาถา 
Apadāne Buddhavaggo paṭhamo. 
อปทาน พุทธวรรคที่ ๑ จบบริบูรณ์ 
(055) II. SĪHĀSANAVAGGO. 
in progress 
11. Sīhāsanadāyaka. 
in progress 
Nibbute lokanāthamhi Siddhatthe dipaduttame /
vitthārite pāvacane bāhujaññamhi sāsane // ApTha_2,11. // 
in progress 
Pasannacitto sumano sīhāsanam akās’ ahaṃ /
sīhāsanaṃ karitvāna pādapīṭhaṃ akās’ ahaṃ. // ApTha_2,11. // 
in progress 
Sīhāsane ca vassante gharaṃ tattha akās’ ahaṃ /
tena cittappasādena Tusitaṃ upapajj’ ahaṃ. // ApTha_2,11. // 
in progress 
Āyāmena catubbīsā yojanāsiṃsu tāvade /
vimānaṃ sukataṃ mayhaṃ vitthārena catuddasaṃ // ApTha_2,11. // 
in progress 
Sattakaññā sahassāni parivārenti maṃ sadā /
soṇṇamayañ ca pallaṅkaṃ vyamhe āsi sunimmitaṃ. // ApTha_2,11. // 
in progress 
Hatthiyānaṃ assayānaṃ dibbayānaṃ upaṭṭhitaṃ /
pāsādā sivikā c’ eva nibbattanti yadicchakaṃ. // ApTha_2,11. // 
in progress 
Maṇimayā ca palla*ṅkā aññe* sāramayā bahū /
nibbattanti mamaṃ sabbe sīhāsanass' idaṃ phalaṃ. // ApTha_2,11. // 
in progress 
Soṇṇamayā rūpimayā phalikā veḷuriyāmayā /
pādukā abhirūhāmi pādapīṭhass’ idaṃ phalaṃ. // ApTha_2,11. // 
in progress 
Catunavute ito kappe yaṃ kammam akariṃ tadā /
duggatiṃ nābhijānāmi puññakammass’ idaṃ phalaṃ. // ApTha_2,11. // 
in progress 
Tesattati ito kappe Indanāmā tayo janā /
dvesattati ito kappe tayo Sumana-nāmakā. // ApTha_2,11. // 
in progress 
Samasattat’ ito kappe tayo Varuṇa-nāmakā /
sattaratanasampannā catuddīpamhi issarā. // ApTha_2,11. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,11. // 
in progress 
Itthaṃ sudaṃ āyasmā Sīhāsanadāyako thero imā gāthāyo abhāsitthāti. 
in progress 
Sīhāsanadāyakattherassa apadānaṃ samattaṃ. 
in progress 
(056) 12. Ekatthambhika. 
in progress 
Siddhatthassa bhagavato mahāpūgagaṇo ahu /
saraṇaṅgatā ca te Buddhaṃ saddahanti Tathāgataṃ. // ApTha_2,12. // 
in progress 
Sabbe saṅgamma mantetvā māḷaṃ kubbanti satthuno /
ekatthambhaṃ alabhantā vicinanti brahāvane. // ApTha_2,12. // 
in progress 
Te 'haṃ araññe disvāna upagamma gaṇaṃ tadā /
añjalim paggahetvāna paṭipucchiṃ gaṇaṃ ahaṃ. // ApTha_2,12. // 
in progress 
Te me puṭṭhā viyākaṃsu sīlavanto upāsakā /
mālaṃ mayaṃ kattukāmā ekatthambho na labbhati. // ApTha_2,12. // 
in progress 
Ekatthambhaṃ mamaṃ detha ahaṃ dassami satthuno /
āharissām’ ahaṃ thambhaṃ appossukkā bhavantu te. // ApTha_2,12. // 
in progress 
Te me thambhaṃ pavecchiṃsu pasannā tuṭṭhamānasā /
tato paṭinivattitvā āgamaṃsu sakaṃ gharaṃ. // ApTha_2,12. // 
in progress 
Aciraṃ gate pūgagaṇe thambhaṃ adās’ ahaṃ tadā /
haṭṭho haṭṭhena cittena paṭhamaṃ ussāpes’ ahaṃ. // ApTha_2,12. // 
in progress 
Tena cittappasādena vimānaṃ upapajj’ ahaṃ /
ubbiddhaṃ bhavanaṃ mayhaṃ satabhūmisamuggataṃ. // ApTha_2,12. // 
in progress 
Vajjamānāsu bherisu parivārem' ahaṃ tadā /
pañcapaññāsakappamhi rājā āsiṃ Yasodharo. // ApTha_2,12. // 
in progress 
Tatthāpi bhavanaṃ mayhaṃ satabhūmisamuggataṃ /
kūṭāgāravarūpetaṃ ekatthambhaṃ manoramaṃ. // ApTha_2,12. // 
in progress 
Ekavīsatikappamhi Udeno nāma khattiyo /
tatrāpi bhavanaṃ mayhaṃ satabhūmisamuggataṃ. // ApTha_2,12. // 
in progress 
Yaṃ yaṃ yon’ upapajjāmi devattaṃ atha mānusaṃ /
anubhomi sabbam etaṃ ekatthambhass’ idaṃ phalaṃ. // ApTha_2,12. // 
in progress 
(057) Catunavut’ ito kappe yaṃ thambham adadiṃ tadā /
duggatiṃ nābhijānāmi ekathambhass’ idaṃ phalaṃ. // ApTha_2,12. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,12. // 
in progress 
Itthaṃ sudaṃ āyasmā Ekatthambhiko thero imā gāthāyo abhāsitthāti. 
in progress 
Ekatthambhikatherassa apadānaṃ samattaṃ. 
in progress 
13. Nanda. 
in progress 
Padumuttarassa bhagavato lokajeṭṭhassa tādino /
vatthuttamaṃ mayā dinnaṃ sayambhussa mahesino. // ApTha_2,13. // 
in progress 
Tam me Buddho viyākāsi jalajuttamanāyako: /
‘iminā vatthadānena hemavaṇṇo bhavissasi. // ApTha_2,13. // 
in progress 
Dve sampattī anubhotvā kusalamūlehi codito /
Gotamassa bhagavato kaniṭṭho tvaṃ bhavissasi. // ApTha_2,13. // 
in progress 
Rāgaratto sukhasīlo kāmesu gedham āyuto /
Buddhena codito santo tato tvaṃ pabbajissasi. // ApTha_2,13. // 
in progress 
Pabbajitvāna tvaṃ tattha kusalamūlena codito /
sabbāsave pariññāya nibbāyissasi 'nāsavo.’ // ApTha_2,13. // 
in progress 
Sattakappasahassamhi caturo Celanāmakā /
saṭṭhiṃ kappasahassāni Upacelā catujjanā. // ApTha_2,13. // 
in progress 
Pañcakappasahassamhi Celā caturo janā /
sattaratanasampannā catuddīpamhi issarā. // ApTha_2,13. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,13. // 
in progress 
Itthaṃ sudaṃ āyasmā Nanda thero imā gāthāyo abhāsitthāti. 
in progress 
Nandatherassa apadānaṃ samattaṃ. 
in progress 
(058) 14. Culla-Panthaka. 
in progress 
Padumuttaro nāma jino āhutīnaṃ paṭiggaho /
gaṇamhā vupakaṭṭho so Himavante vasī tadā. // ApTha_2,14. // 
in progress 
Aham pi Himavantamhi vasāmi assame tadā /
acirāgataṃ mahāvīraṃ upesiṃ lokanāyakaṃ. // ApTha_2,14. // 
in progress 
Pupphacchattaṃ gahetvāna upagañchiṃ narāsabhaṃ /
samādhiṃ samāpajjantaṃ antarāyam akās’ ahaṃ. // ApTha_2,14. // 
in progress 
Ubho hatthehi paggayha pupphachattaṃ adās’ ahaṃ /
paṭiggahesi bhagavā Padumuttaro mahāmuni. // ApTha_2,14. // 
in progress 
Sabbe devā attamanā Himavantam upenti te /
sādhukāraṃ pavattiṃsu: ‘anumodissati cakkhumā.’ // ApTha_2,14. // 
in progress 
Idaṃ vatvāna te devā upagañchuṃ naruttamaṃ /
ākāse dhārayant’ assa padumacchattam uttamaṃ // ApTha_2,14. // 
in progress 
Padumachattaṃ paggayha adāsi tāpaso mamaṃ /
‘tam ahaṃ kittayissāmi; suṇotha mama bhāsato: // ApTha_2,14. // 
in progress 
Pañcavīsatikappāni devarajjaṃ karissati /
catuttiṃsatikkhattuñ ca cakkavatti bhavissati. // ApTha_2,14. // 
in progress 
Yaṃ yaṃ yoniṃ saṃsarati devattaṃ atha mānusaṃ /
abbhokāse patiṭṭhan taṃ padumaṃ dhārayissati. // ApTha_2,14. // 
in progress 
Kappasatasahassamhi Okkākakulasambhavo /
Gotamo nāma nāmena satthā loke bhavissati. // ApTha_2,14. // 
in progress 
Pakāsite pāvacane manussattaṃ labhissati /
manomayamhi kāyamhi uttamo so bhavissati. // ApTha_2,14. // 
in progress 
Dve bhātaro bhavissanti ubho pi Panthasavhayā /
anubhotvā uttamatthaṃ jotayissanti sāsanan.’ // ApTha_2,14. // 
in progress 
Aṭṭhārasañ ca vasso 'haṃ pabbajiṃ anagāriyaṃ /
visesāhaṃ na vindāmi Sakyaputtassa sāsane. // ApTha_2,14. // 
in progress 
Dandhā mayhaṃ gati āsi paribhūto *pure ahaṃ /
bhā*tā ca maṃ paṇāmesi: ‘gaccha dāni sakaṃ gharaṃ.’ // ApTha_2,14. // 
in progress 
So 'haṃ paṇāmito santo saṅghārāmassa koṭṭhake /
dummano tattha aṭṭhāsiṃ sāmaññasmiṃ apekhavā. // ApTha_2,14. // 
in progress 
(059) Ath’ ettha satthā āgañchi sīsaṃ mayhaṃ parāmasi /
bāhāya maṃ gahetvāna *saṅghārāmaṃ pavesayi.* // ApTha_2,14. // 
in progress 
Anukampāya me satthā adāsī pādapuñchaniṃ /
evaṃ suddhaṃ adhiṭṭhehi ekamantam adhiṭṭhitaṃ. // ApTha_2,14. // 
in progress 
Hatthehi tam ahaṃ gayha sariṃ kokanadaṃ ahaṃ /
tattha cittaṃ vimuccī me arahattaṃ apāpuniṃ. // ApTha_2,14. // 
in progress 
Manomayesu kāyesu sabbattha pāramiṅga*to /
sabbāsave pariññā*ya viharāmi anāsavo. // ApTha_2,14. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,14. // 
in progress 
Itthaṃ sudaṃ āyasmā Cullapanthakothero imā gāthāyo abhāsitthāti. 
in progress 
Cullapanthakassatherassa apadānaṃ samattaṃ. 
in progress 
15. Pilindavaccha. 
in progress 
Nibbute lokanāthamhi Sumedhe aggapuggale /
pasannacitto sumano thūpapūjaṃ akās ahaṃ. // ApTha_2,15. // 
in progress 
Ye ca khīṇāsavā tattha chaḷabhiññā mahiddhikā /
te*saṃ tattha samānetvā *saṅghabhattaṃ akās’ ahaṃ. // ApTha_2,15. // 
in progress 
Sumedhassa bhagavato upaṭṭhāko tadā ahu /
Sumedho nāma nāmena anumodittha so tadā. // ApTha_2,15. // 
in progress 
Tena cittappasādena vimānaṃ upapajj’ ahaṃ /
chaḷāsītisahassāni a*ccharāyo ramiṃsu me* // ApTha_2,15. // 
in progress 
Mam’ eva anuvattanti sabbakāmehi tā sadā /
aññe deve atibhomi puññakammass’ idaṃ phalaṃ. // ApTha_2,15. // 
in progress 
Pañcavīsatikappamhi Varuṇo nāma khattiyo /
susuddhabhojano āsiṃ cakkavatti ahaṃ tadā. // ApTha_2,15. // 
in progress 
Na te bījaṃ pavapanti na pi nīyanti naṅgalā /
akaṭṭhapākimaṃ sāliṃ paribhuñjanti mānusā. // ApTha_2,15. // 
in progress 
(060) Tattha rajjaṃ karitvāna devattaṃ puna gacch’ ahaṃ. /
tadāpi edisā mayhaṃ nibbattā bhogasampadā. // ApTha_2,15. // 
in progress 
Na maṃ mittā amittā vā *hiṃsanti sabbapāṇi*no /
sabbesam pi piyo homi puññakammass idaṃ phalaṃ. // ApTha_2,15. // 
in progress 
Tiṃsakappasahassamhi yaṃ dānam adadiṃ tadā /
duggatiṃ nābhijānāmi gandhālepass idaṃ phalaṃ. // ApTha_2,15. // 
in progress 
*Imasmiṃ bhaddake kappe eko āsi janādhipo /
mahānubhāvo rājā 'si cakkavatti mahābalo. // ApTha_2,15. // 
in progress 
So 'haṃ pañcasu sīlesu ṭhapetvā janataṃ bahuṃ /
pāpetvā sugatiṃ yeva devatānaṃ piyo ahuṃ.* // ApTha_2,15. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,15. // 
in progress 
Itthaṃ sudaṃ āyasmā Pilindavaccho thero imā gāthāyo abhāsitthāti. 
in progress 
Pilindavacchatherassa apadānaṃ samattaṃ. 
in progress 
16. Rāhula. 
in progress 
Padumuttarassa bhagavato lokajeṭṭhassa tādino /
*sattabhūmimhi pāsā*de adāsiṃ santharaṃ ahaṃ. // ApTha_2,16. // 
in progress 
Khīṇāsavasahassehi parikiṇṇo mahāmuṇi /
upāgami gandhakuṭim dipadindo narāsabho. // ApTha_2,16. // 
in progress 
Virocantaṃ gandhakuṭiṃ devadevo narāsabho /
bhikkhusaṅghe ṭhito satthā ima gāthā abhāsatha: // ApTha_2,16. // 
in progress 
*Yenāyaṃ jotito siyā ādāso 'va susanthato /
tam ahaṃ kittayissāmi; suṇotha mama bhāsato: // ApTha_2,16. // 
in progress 
Soṇṇamayā rūpimayā atho veḷuriyāmayā /
nibbattissanti ākāse ye keci manaso piyā. // ApTha_2,16. // 
in progress 
(061) Catusa*ṭṭhi*kkhattuñ de*vindo devarajjaṃ karissa*ti /
sahassakkhattuṃ cakkavatti bhavissati anantarā. // ApTha_2,16. // 
in progress 
Ekavīsatikappamhi Vimalo nāma khattiyo /
cāturanto vijitāvī cakkavatti bhavissati. // ApTha_2,16. // 
in progress 
Naṅgaraṃ Reṇuvatī nāma iṭṭhakāhi sumāpitaṃ /
āyāmato {*tīṇisataṃ} caturassaṃ* samāyutaṃ. // ApTha_2,16. // 
in progress 
Sudassano nāma pāsādo Vissakammena māpito /
kūṭāgāravarūpeto sattaratanabhūsito. // ApTha_2,16. // 
in progress 
Dasa saddā avivittaṃ vijjādharasamākulaṃ /
Sudassanaṃ va naṅgaraṃ devatānaṃ bhavissati. // ApTha_2,16. // 
in progress 
Pabhā nigga*cchate tassa ugga*cchante va sūriye /
virocissati taṃ niccaṃ samantā aṭṭhayojanaṃ. // ApTha_2,16. // 
in progress 
Kappasatasahassamhi Okkākakulasambhavo /
Gotamo nāma nāmena satthā loke bhavissati. // ApTha_2,16. // 
in progress 
Tusitāhi cavi*tvāna su*kkamūlena codito /
Gotamassa bhagavato atrajo so bhavissati. // ApTha_2,16. // 
in progress 
Sace vaseyya āgāraṃ cakkavattī bhaveyya so /
aṭṭhānaṃ etaṃ yaṃ tādi agāre ratim ajjhagā. // ApTha_2,16. // 
in progress 
Ni*kkhamitvā agāramhā* pabbajissati subbato /
Rāhulo nāma nāmena arahā so bhavissati. // ApTha_2,16. // 
in progress 
Kikī va aṇḍaṃ rakkheyya camarī-r-iva vāladhiṃ /
nipako sīlasampanno mamaṃ rakkhi mahāmuni. // ApTha_2,16. // 
in progress 
Tassāhaṃ dhamma*m aññāya vihāsiṃ sāsa*ne rato /
sabbāsave pariññāya viharāmi anāsavo. // ApTha_2,16. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,16. // 
in progress 
Itthaṃ sudaṃ āyasmā Rāhulo thero imā gāthāyo abhāsitthā ti. 
in progress 
Rāhuḷatherassa apadānaṃ samattaṃ. 
in progress 
(062) 17. Upasena {Vaṅgantaputta}. 
in progress 
Padumuttaraṃ bhagavantaṃ lokajeṭṭhaṃ narāsabhaṃ /
pabbhāramhi nisinnaṃ taṃ upagañchiṃ naruttamaṃ. // ApTha_2,17. // 
in progress 
Kaṇikā*raṃ pupphitaṃ disvā vaṇṭaṃ chetvān’ ahaṃ tadā /
alaṅkaritvā chattamhi Buddhassa abhiropayiṃ. // ApTha_2,17. // 
in progress 
Piṇḍapātañ ca pādāsiṃ paramannaṃ subhojanaṃ /
Buddhena navame tattha samaṇe aṭṭha bhojayiṃ. // ApTha_2,17. // 
in progress 
Anumodi mahāvīro sayambhū aggapuggalo: /
*"Iminā chattadā*nena paramannappavecchanā. // ApTha_2,17. // 
in progress 
Tena cittappasādena sampattim anubhossati /
tiṃsakhattun ca devindo devarajjaṃ karissati. // ApTha_2,17. // 
in progress 
Ekavīsatikhattuñ ca cakkavatti bhavissati /
padesarajjaṃ vipulaṃ gaṇanāto asaṅkhiyaṃ9 // ApTha_2,17. // 
in progress 
Yaṃ vadanti Sumedho ti bhūripaññaṃ sumedhasaṃ /
kappe 'to satasahasse eso Buddho bhavissati. // ApTha_2,17. // 
in progress 
Sāsane dippamānamhi manussattaṃ gamissati /
Upaseno ti nāmena hessati satthu sāvako". // ApTha_2,17. // 
in progress 
Carimaṃ vat*tate mayhaṃ bhavā sabbe sa*mūhatā /
dhāremi antimam dehaṃ jetvā Māraṃ savāhanaṃ. // ApTha_2,17. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,17. // 
in progress 
Itthaṃ sudaṃ āyasmā Upaseno Vaṅgantaputto thero imā gāthāyo abhāsitthā ti. 
in progress 
Upasenavaṅgantaputtatherassa apadānaṃ samattaṃ. 
in progress 
Tatiyaṃ bhāṇavāraṃ niṭṭhitaṃ. 
in progress 
(063) 18. Ratthapāla. 
in progress 
Padumuttarassa bhagavato lokajeṭṭhassa tādino /
varanāgo mayā dinno-r-īsādanto *urūḷhavo* // ApTha_2,18. // 
in progress 
Setacchattopasevito sāthabbaṇo sahatthipo /
agghāpetvāna taṃ sabbaṃ saṅghārāmam akārayiṃ. // ApTha_2,18. // 
in progress 
Catupaññāsasahassāni pāsāde kārayim ahaṃ /
mahābhattaṃ karitvāna *niyyātesiṃ mahesino.* // ApTha_2,18. // 
in progress 
Anumodi mahāvīro sayambhū aggapuggalo /
sabbe jane hāsayanto deseti amataṃ padaṃ. // ApTha_2,18. // 
in progress 
Tam me buddho viyākāsi jaladuttamanāyako /
bhikkhusaṅghe nisīditvā imā gāthā abhāsatha: // ApTha_2,18. // 
in progress 
"‘Catupaññāsasahassāni pāsāde kārayiṃ ahaṃ’ /
Kathayissāmi vipākaṃ; suṇotha mama bhāsato: // ApTha_2,18. // 
in progress 
Aṭṭhārasasahassāni kūṭāgārā bhavissare /
vyamhuttamamhi nibbattā sabbasoṇṇamayā ca te. // ApTha_2,18. // 
in progress 
*Paññāsakhat*tuṃ devindo devarajjaṃ karissati /
aṭṭhapaññāsakhattuñ ca cakkavatti bhavissati. // ApTha_2,18. // 
in progress 
Kappasatasahassamhi Okkākakulasambhavo /
Gotamo nāma nāmena satthā loke bhavissati. // ApTha_2,18. // 
in progress 
*Devalokā* cavitvāna sukkamūlena codito /
aḍḍhe kule mahābhoge nibbattissati tāvade. // ApTha_2,18. // 
in progress 
So pacchā pabbajitvāna sukkamūlena codito /
Raṭṭhapālo ti nāmena hessati satthu sāvako // ApTha_2,18. // 
in progress 
Padhānapahitatto so upa*santo nirūpa*dhi /
sabbāsave pariññāya nibbāyissat’ anāsavo." // ApTha_2,18. // 
in progress 
Uṭṭhāya abhinikkhamma jahitvā bhogasampadā /
kheḷapiṇḍo va bhogamhi pemaṃ mayhaṃ na vijjati. // ApTha_2,18. // 
in progress 
(064) Viriyam me dhuradhorayhaṃ yogakkhemādivāhanaṃ /
dhāremi antimaṃ *dehaṃ sammāsa*mbuddhasāsane. // ApTha_2,18. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassasāsanan ti. // ApTha_2,18. // 
in progress 
Itthaṃ sudaṃ āyasmā Raṭṭhapālo thero imā gāthāyo abhāsitthā ti. 
in progress 
Raṭṭhapālatherassa apadānaṃ samattaṃ. 
in progress 
19. Sopāka. 
in progress 
abbhāraṃ sodhayantassa pavare pabbatuttame /
Siddhattho nāma bhagavā āgacchi mama santikaṃ. // ApTha_2,19. // 
in progress 
Buddhaṃ upagataṃ disvā *lokajeṭṭhassa tādino /
santharaṃ paññāpet*vāna pupphāsanam adās’ ahaṃ. // ApTha_2,19. // 
in progress 
Pupphāsane nisīditvā Siddhattho lokanāyako /
mamañ ca gatim aññāya aniccattam udāhari: // ApTha_2,19. // 
in progress 
"Aniccā vata saṅkhārā uppādavayadhammino /
uppajjitvā nirujjhanti; tesaṃ vūpasamo sukho". // ApTha_2,19. // 
in progress 
*Idaṃ vatvāna sa*bbaññū lokajeṭṭho narāsabho /
nabham abbhuggamī vīro haṃsarājā va ambare. // ApTha_2,19. // 
in progress 
Sakaṃ diṭṭhiṃ jahitvāna bhāvayāniccasaññ’ ahaṃ /
ekāhaṃ bhāvayitvāna tattha kālakato ahaṃ. // ApTha_2,19. // 
in progress 
Dvesampattī anubhotvā sukkamūlena codito /
*pacchime bhave* sampatte sapākaṃ yonupāgamiṃ. // ApTha_2,19. // 
in progress 
Agārā abhinikkhamma pabbajiṃ anagāriyaṃ /
jātiyā sattavasso 'haṃ arahattaṃ apāpuṇiṃ. // ApTha_2,19. // 
in progress 
Āraddhaviriyo pahitatto sīlesu susamāhito /
*tosetvāna mahā*nāgaṃ alatthaṃ upasampadaṃ. // ApTha_2,19. // 
in progress 
(065) Catunavut’ ito kappe yaṃ kammam akariṃ tadā /
duggatiṃ nābhijānāmi pupphadānass idaṃ phalaṃ. // ApTha_2,19. // 
in progress 
Catunavut’ ito kappe yaṃ saññaṃ bhāvayiṃ tadā /
tam saññaṃ bhāvaya*ntassa patto me* āsavakkhayo. // ApTha_2,19. // 
in progress 
Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,19. // 
in progress 
Itthaṃ sudaṃ āyasmā Sopāko thero imā gāthāyo abhāsitthā ti. 
in progress 
Sopākatherassa apadānaṃ samattaṃ. 
in progress 
20. {Sumaṅgala}. 
in progress 
Āhutiṃ yiṭṭhukāmo 'haṃ paṭiyādetvāna bhojanaṃ /
brāhmaṇe paṭimānento visāle mālake ṭhito. // ApTha_2,20. // 
in progress 
Ath’ addasāsiṃ sambu*ddhaṃ Piyadassiṃ* mahāyasaṃ /
sabbalokavinetāraṃ sayambhuṃ aggapuggalaṃ. // ApTha_2,20. // 
in progress 
Bhagavantaṃ jutimantaṃ sāvakehi purakkhataṃ /
ādiccam iva rocantaṃ rathiyaṃ pavisantakaṃ. // ApTha_2,20. // 
in progress 
Añjalim paggahetvāna sakaṃ cittaṃ pasādayiṃ /
manasā 'va nimantesiṃ: *‘āgacchatu* mahāmuni.’ // ApTha_2,20. // 
in progress 
Mama saṅkappam aññāya satthā loke anuttaro /
khīṇāsavasahassehi mama dvāraṃ upāgami // ApTha_2,20. // 
in progress 
‘Namo te purisājañña namo te purisuttama! /
pāsādaṃ abhirūhitvā sīhāsane nisīda tvaṃ.’ // ApTha_2,20. // 
in progress 
Danto danta*parivāro tiṇṇo* tārayataṃ varo /
pāsādaṃ abhirūhitvā nisīdi pavarāsane. // ApTha_2,20. // 
in progress 
Yam me atthi sake gehe āmisaṃ paccupaṭṭhitaṃ /
tāhaṃ buddhassa pādāsiṃ pasanno sehi pāṇihi. // ApTha_2,20. // 
in progress 
Pasannacitto sumano vedajāto kata*ñjalī /
Buddhaseṭṭhaṃ nama*ssāmi: ‘aho buddhass’ uḷāratā. // ApTha_2,20. // 
in progress 
(066) Aṭṭhannaṃ payirupāsataṃ bhuñjaṃ khīṇāsavā bahū /
tuyh’ ev’ eso ānubhāvo saraṇan taṃ upem’ ahaṃ'. // ApTha_2,20. // 
in progress 
Piyadassī ca bhagavā lokajeṭṭho narāsabho /
bhikkhusaṅghe nisīditvā imā gāthā abhāsatha: // ApTha_2,20. // 
in progress 
"Yo so saṅghaṃ abhojesi ujubhūtaṃ samāhitaṃ /
Tathāgataṃ ca sambuddhaṃ suṇotha mama bhāsato: // ApTha_2,20. // 
in progress 
Sattavīsatikkhattuṃ so devarajjaṃ karissati /
sakakammābhiraddho so devaloke ramissati. // ApTha_2,20. // 
in progress 
Dasañ c’ aṭṭhañ ca kkhattuṃ so cakkavatti bhavissati /
pathavyā rajjaṃ pañcasataṃ vasudhaṃ āvasissati". // ApTha_2,20. // 
in progress 
Araññaṃ vanam ogayha kānanaṃ vyagghasevitaṃ /
padhānapadahitvāna kilesā jhāpitā mayā. // ApTha_2,20. // 
in progress 
Aṭṭhārase kappasate yaṃ dānam adadiṃ tadā /
duggatiṃ nābhijānāmi bhattadānass idaṃ phalaṃ. // ApTha_2,20. //  Paṭisambhidā catasso vimokhā pi ca aṭṭh’ ime /
chaḍabhiññā sacchikatā kataṃ Buddhassa sāsanan ti. // ApTha_2,20. //  Itthaṃ sudaṃ āyasmā Sumaṅgalo thero imā gāthāyo abhāsitthā ti. 
in progress  in progress  in progress 
Sumaṅgalatherassa apadānaṃ samattaṃ.  Uddānaṃ:-- 
in progress  in progress 
Sīhāsanī Ekatthambhī Nando ca Culla-Panthako9 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login