You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
*Naḷamālaṃ gahetvāna nikkhamanto va tāvade /
tatth’ addasāsiṃ sambuddhaṃ oghatiṇṇaṃ aṇāsavaṃ. // ApTha_48,468. // 
in progress 
Pasannacitto sumano naḷamālaṃ apūjayiṃ /
dakkhiṇeyyaṃ mahāvīraṃ sabbalokānukampakaṃ.* // ApTha_48,468. // 
in progress 
Ekatiṃse ito kappe yaṃ puppham abhiropayiṃ /
duggatiṃ nābhijānāmi Buddhapūjāy’ idaṃ phalaṃ. // ApTha_48,468. // 
in progress 
Kilesā . . . pe . . . pe . . . pe . . . // ApTha_48,468. // 
in progress 
Sāgataṃ . . . pe . . . pe . . . pe . . . // ApTha_48,468. // 
in progress 
Paṭisambhidā . . . pe . . . pe . . . pe . . . // ApTha_48,468. // 
in progress 
Itthaṃ sudam āyasmā Naḷamāliyo thero i. g. a-ti. 
in progress 
Naḷamāliyattherassa apadānaṃ samattaṃ. 
in progress 
(413) 469. Maṇipūjaka. 
in progress 
Padumuttaro nāma jino sabbadhammāna pāragū /
vivekakāmo sambuddho gacchate anilañjase. // ApTha_48,469. // 
in progress 
Avidūre Himavato mahājātassaro ahū /
tattha me bhavanaṃ āsi puññakammena *saṃ*yutaṃ. // ApTha_48,469. // 
in progress 
Bhavanā abhinikkhamma addasaṃ lokanāsanaṃ /
indīvaraṃ va jalitam ādittaṃ va hutāsanaṃ. // ApTha_48,469. // 
in progress 
Vicinaṃ nāddasaṃ pupphaṃ pūjayissan ti nāyakaṃ /
Sakaṃ cittaṃ pasādetvā avandiṃ satthuno ahaṃ. // ApTha_48,469. // 
in progress 
Mama sīse maṇiṃ gayha pūjayiṃ lokanāyakaṃ /
imāya maṇipūjāya vipāko *hotu bhadda*ko. // ApTha_48,469. // 
in progress 
Padumuttaro lokavidū āhutīnaṃ paṭiggaho /
antalikkhe ṭhito satthā imā gāthā abhāsatha: // ApTha_48,469. // 
in progress 
‘So te ijjhatu saṅkappo labhassu vipulaṃ sukhaṃ /
imāya maṇipūjāya anubhohi mahāyasaṃ.’ // ApTha_48,469. // 
in progress 
Idaṃ *vatvāna* bhagavā jalajuttamanāmako /
agamāsi Buddhaseṭṭho yattha cittaṃ paṇīhitaṃ. // ApTha_48,469. // 
in progress 
Saṭṭhikappāni devindo devarajjam akārayiṃ /
anekasatakkhattuñ ca cakkavatti ahos’ ahaṃ. // ApTha_48,469. // 
in progress 
Pubbakammaṃ sarantassa devabhūtassa me sato /
maṇi nibbattate mayhaṃ ālokakaraṇo mama. // ApTha_48,469. // 
in progress 
Chalāsītisahassāni nariyo me pariggahā /
vicittavatthābharaṇā āmuttamaṇikuṇḍalā // ApTha_48,469. // 
in progress 
Aḷārapamhā hasulā susoññā tanumajjhimā /
parivārenti maṃ niccaṃ maṇipūjāy’ idaṃ phalaṃ. // ApTha_48,469. // 
in progress 
Sovaṇṇamayā maṇimayā lohitaṅkamayā tathā /
bhaṇḍā katākatā bhonti yadicchāya pilandhanā. // ApTha_48,469. // 
in progress 
Kūṭāgārā guhā rammā sayanañ ca mahārahaṃ /
mama saṅkappam aññāya nibbattanti yadicchakaṃ. // ApTha_48,469. // 
in progress 
Lābhā tesaṃ suladdhaṃ va ye labhanti upassutiṃ /
puññakkhettaṃ manussānam osadhaṃ sabbapāṇinaṃ. // ApTha_48,469. // 
in progress 
(414) Mayham pi sukataṃ kammaṃ yo 'haṃ addakkhi nāyakaṃ /
vinipātā pamutto 'mhi patto ca acalaṃ padaṃ. // ApTha_48,469. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login