You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Cetiyassa pamāṇaṃ yaṃ akariṃ tena kammena /
lakuṇṭakasarīro 'haṃ jāto paribhavāraho. // ApTha_55,538. // 
in progress 
Sareṇa madhureṇāhaṃ pūjetvā isisattamaṃ /
mañjussarānaṃ bhikkhūnaṃ aggattam anupāpuṇiṃ. // ApTha_55,538. // 
in progress 
(491) Phaladānena Buddhassa guṇānusaraṇena ca /
sāmaññaphalasampanno viharāmi anāsavo. // ApTha_55,538. // 
in progress 
Kilesā . . . pe . . . pe . . . pe . . . // ApTha_55,538. // 
in progress 
Sāgataṃ . . . pe . . . pe . . . pe . . . // ApTha_55,538. // 
in progress 
Paṭisambhidā . . . pe . . . pe . . . pe . . . // ApTha_55,538. // 
in progress 
Itthaṃ sudaṃ āyasmā Lakuṇṭakabhaddiyo thero i. g. a-ti. 
in progress 
Lakuṇṭakabhaddiyattherassa apadānaṃ samattaṃ. 
in progress 
539. Kaṅkha-Revata. 
in progress 
Padumuttaro nāma jino sabbadhammesu cakkhumā /
ito satasahassamhi kappe uppajji nāyako // ApTha_55,539. // 
in progress 
Sīhahanu brahmagiro haṃsadundrabhinisvano /
nāgavikkantagamano candasūrādhikappabho // ApTha_55,539. // 
in progress 
Mahāmati mahāvīro mahājhāyī mahāhito /
mahākāruṇiko nātho mahātamanisūdano. // ApTha_55,539. // 
in progress 
Sa kadāci tilokaggo veneyyavinayaṃ bahuṃ /
dhammaṃ deseti sambuddho sattāsayavidū muni. // ApTha_55,539. // 
in progress 
Jhāyiṃ jhānarataṃ vīraṃ upasantaṃ anāvilaṃ /
vaṇṇayanto parisatiṃ toseti janataṃ jino. // ApTha_55,539. // 
in progress 
Tadā 'haṃ Haṃsavatiyā brāhmaṇo vedapāragū /
dhammaṃ sutvāna mudito taṃ ṭhānaṃ abhipatthayiṃ. // ApTha_55,539. // 
in progress 
Tadā jino viyākāsi saṅghamajjhe vināyako /
mudito hohi tvaṃ brahme, lacchase taṃ manorathaṃ. // ApTha_55,539. // 
in progress 
Satasahasse ito kappe Okkākakulasambhavo /
Gotamo nāma nāmena satthā loke bhavissati. // ApTha_55,539. // 
in progress 
Tassa dhammesu dāyādo oraso dhammanimmito /
Revato nāma nāmena hessati satthu sāvako. // ApTha_55,539. // 
in progress 
Tena kammena sukatena cetanāpaṇidhīhi ca /
jahitvā mānusaṃ dehaṃ Tāvatiṃsaṃ agacch ahaṃ // ApTha_55,539. // 
in progress 
Pacchime ca bhave dāni jāto 'haṃ Koliye pure /
khattiye kulasampanne iddhe phīte mahaddhane. // ApTha_55,539. // 
in progress 
(492) Yadā Kapilavatthusmiṃ Buddho dhammam adesayi /
tadā pasanno sugate pabbajiṃ anagāriyaṃ. // ApTha_55,539. // 
in progress 
Kaṅkhā me bahuso āsi kappākappe tahiṃ tahiṃ /
sabbaṃ taṃ vinayī Buddho desetvā dhammam uttamaṃ // ApTha_55,539. // 
in progress 
Tato 'haṃ tiṇṇasaṃsāro tadā jhānasukhe rato /
viharāmi, tadā Buddho maṃ disvā etad abravi: // ApTha_55,539. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login