You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
475. Vallikaraphaladāyaka. 
in progress 
Sumano nāma sambuddho Takkarāya vasī tadā /
vallikaraphalaṃ gayha sayambhussa adās’ ahaṃ. // ApTha_48,475. // 
in progress 
Ekatiṃse ito kappe yaṃ phalaṃ adadiṃ tadā /
duggatiṃ nābhijānāmi phalānass’ idaṃ phalaṃ. // ApTha_48,475. // 
in progress 
Kilesā . . . pe . . . pe . . . pe . . . // ApTha_48,475. // 
in progress 
Sāgataṃ . . . pe . . . pe . . . pe . . . // ApTha_48,475. // 
in progress 
Paṭisambhidā . . . pe . . . pe . . . pe . . . // ApTha_48,475. // 
in progress 
Itthaṃ sudaṃ āyasmā Vallikaraphaladāyako th. i. g. a-ti. 
in progress 
Vallikaraphaladāyakattherassa apadānaṃ samattaṃ. 
in progress 
(417) 476. Pānadhidāyaka. 
in progress 
Anomadassī bhagavā lokajeṭṭho narāsabho /
divāvihārā nikkhamma patham āruhi cakkhumā. // ApTha_48,476. // 
in progress 
Pānadhiṃ sukataṃ gayha addhānaṃ paṭipajj’ ahaṃ /
tatth’ addasāsiṃ sambuddhaṃ pattikañ cārudassanaṃ. // ApTha_48,476. // 
in progress 
Sakaṃ cittaṃ pasādetvā nīharitvāna pānadhiṃ /
pādamūle ṭhapetvāna idaṃ vacanam abraviṃ: // ApTha_48,476. // 
in progress 
Abhirūha mahāvīra sugat-inda vināyaka /
ito phalaṃ labhissāmi yo me attho samijjhatu. // ApTha_48,476. // 
in progress 
Anomadassī bhagavā lokajeṭṭho narāsabho /
pānadhim abhirūhitvā imaṃ vacanam abravi: // ApTha_48,476. // 
in progress 
Yo pānadhim me adadā pasanno sehi pāṇihi /
tam ahaṃ kittayissāmi; suṇotha mama bhāsato: // ApTha_48,476. // 
in progress 
Buddhassa giram aññāya sabbe devā samāgatā /
udaggacittā sumanā vedajātā katañjalī. // ApTha_48,476. // 
in progress 
Pānadhīnaṃ padānena sukhito 'yaṃ bhavissati /
pañcapaññāsakkhattuñ ca devarajjaṃ karissati. // ApTha_48,476. // 
in progress 
Sahassakkhattuṃ rājā ca cakkavattī bhavissati /
padesarajjaṃ vipulaṃ gaṇanāto asaṅkhiyaṃ. // ApTha_48,476. // 
in progress 
Aparimeyye ito kappe Okkākakulasambhavo /
Gotamo nāma nāmena satthā loke bhavissati. // ApTha_48,476. // 
in progress 
Tassa dhammesu dāyādo oraso dhammanimmito /
sabbāsave pariññāya nibbāyissat’ anāsavo. // ApTha_48,476. // 
in progress 
Devaloke manusse vā nibbattissati puññavā /
devayānapaṭibhāgaṃ yānaṃ paṭilabhissati. // ApTha_48,476. // 
in progress 
Pāsādā sivikā mayhaṃ hatthino samalaṅkatā /
rathā c’ ājañña-saṃyuttā sadā pātubhavanti me. // ApTha_48,476. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login