You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Pavane vyaggharājā va migarājā va kesarī /
abhīto viharām’ ajja Sakyaputtassa sāsane. // ApTha_41,406. // 
in progress 
Devaloke manusse vā dalidde duggatimhi vā /
nibbattiṃ me na passāmi upaṭṭhānass’ idaṃ phalaṃ. // ApTha_41,406. // 
in progress 
Vivekam anuyutto 'mhi upasanto nirūpadhī /
nāgo va bandhanaṃ chetvā viharāmi anāsavo. // ApTha_41,406. // 
in progress 
Kilesā . . . pe . . . pe . . . pe . . . // ApTha_41,406. // 
in progress 
Sāgataṃ . . . pe . . . pe . . . pe . . . // ApTha_41,406. // 
in progress 
Paṭisambhidā . . . pe . . . pe . . . // ApTha_41,406. // 
in progress 
Itthaṃ sudam āyasmā Jatukaṇṇiko thero i. g. a-ti. 
in progress 
Jatukaṇṇikattherassa apadānaṃ samattaṃ. 
in progress 
(362) 407. Udena. 
in progress 
Himavantassa avidūre Padumo nāma pabbato /
assamo sukato mayhaṃ paṇṇasālā sumāpitā. // ApTha_41,407. // 
in progress 
Nadiyo sandare tattha sūpatitthā manoramā /
acchodakā sītajalā sundarī nadiyo sadā. // ApTha_41,407. // 
in progress 
Pāṭhīnā pāvusā macchā jalajā muñjarohitā /
sobhanti nadiyā ete vahanti nadiyo tadā. // ApTha_41,407. // 
in progress 
Ambajambūhi sañchannā kareri-tilakā tathā /
uddālakā pāṭaliyo sobhenti mama assamaṃ. // ApTha_41,407. // 
in progress 
Ākolakā bimbijālā māyācārā ca pupphitā /
gandhena upavāyantā sobhenti mama assamaṃ. // ApTha_41,407. // 
in progress 
'timuttakā sattalikā nāgāsālā ca pupphitā /
dibbagandhasampannā sobhenti mama assamaṃ. // ApTha_41,407. // 
in progress 
Kosumbhā saḷalā nīpā kaṭṭhaṅgā ca supupphitā /
dibbā gandhā sampavantā sobhenti mama assamaṃ. // ApTha_41,407. // 
in progress 
Harītakā āmalakā ambā jambū vibhīṭakā /
kolā bhallātakā bellā phalāni bahū assame. // ApTha_41,407. // 
in progress 
Kadambā kadalī tattha pupphanti mama assame /
dibbā gandhā sampavantā sobhenti mama assamaṃ. // ApTha_41,407. // 
in progress 
Asokapiṇḍī ca vārī nīparukkhā ca pupphitā /
dibbā gandhā sampavantā sobhenti mama assamaṃ. // ApTha_41,407. // 
in progress 
Punnāgā giripunnāgā timirā tatthā pupphitā /
dibbā gandhā sampavantā sobhenti mama assamaṃ. // ApTha_41,407. // 
in progress 
Nigguṇḍī sirinigguṇḍī camparukkh’ ettha pupphitā /
dibbā . . . pe . . . pe . . . pe . . . // ApTha_41,407. // 
in progress 
Avidūre pokkharaṇī cakkavākapakūjitā /
mandālake*hi21* sañchannā padumupphalakehi ca. // ApTha_41,407. // 
in progress 
(363) Acchodakā sītajalā supatitthā manoramā /
acchā phalikasamānā sobhenti mama assamaṃ. // ApTha_41,407. // 
in progress 
Padumā pupphare tattha puṇḍarīkā ca uppalā /
mandālakehi sañchannā sobhenti mama assamaṃ. // ApTha_41,407. // 
in progress 
Pāṭhīṇā pāvusā macchā jalajā muñjarohitā /
vicarantā 'va te tattha sobhenti mama assamaṃ. // ApTha_41,407. // 
in progress 
Kumbhīlā suṃsumārā ca kacchapā ca gahā bahū /
oguhā ajagarā 'va sobhenti mama assamaṃ. // ApTha_41,407. // 
in progress 
Pārevaṭā ravihaṃsā cakkavākā nadīcarā /
dindibhā sālikā c’ ettha sobhenti mama assamaṃ. // ApTha_41,407. // 
in progress 
Nayitā ambagandhī ca ketakā tattha pupphitā /
dibbā gandhā sampavantā sobhenti mama assamaṃ. // ApTha_41,407. // 
in progress 
Sīhā vyagghā ca dīpī ca acchakokataracchayo /
anusañcarantā pavane sobhenti mama assamaṃ. // ApTha_41,407. // 
in progress 
Te jaṭābhārabharitā ajinuttaravāsino /
anusañcarantā pavane sobhenti mama assamaṃ. // ApTha_41,407. // 
in progress 
Ajināni dharā ete nipakā santavuttino /
appāhārā ca te sabbe sobhenti mama assamaṃ. // ApTha_41,407. // 
in progress 
Khāribhāriṃ gahetvāna ajjhogayha vanan tadā /
mūlaphalāni bhuñjantā vasante assame tadā. // ApTha_41,407. // 
in progress 
Na te dārum āharanti udakaṃ vā pādadhovanaṃ /
sabbesam ānubhāvena sayam evāhariyyati. // ApTha_41,407. // 
in progress 
Cullāsītisahassāni isayo tattha samāgatā /
sabbe ca jhāyino ete uttamatthaṃ gavesakā. // ApTha_41,407. // 
in progress 
Tapassino brahmacārī coditā appanāvate /
ambarāvacarā sabbe vasante assame tadā. // ApTha_41,407. // 
in progress 
Pañcāhaṃ sannipatanti ekaggā santavuttino /
aññoññam abhivādetvā pakkamanti disāmukhā. // ApTha_41,407. // 
in progress 
Padumuttaro nāma jino sabbadhammāna pāragū /
tam andhakāraṃ vidhamaṃ uppajji tāvade jino. // ApTha_41,407. // 
in progress 
(364) Mama assamasāmantā yakkho āsi mahiddhiko /
so me pasaṃsi sambuddhaṃ jalajuttamanāyakaṃ: // ApTha_41,407. // 
in progress 
‘Esa Buddho samuppanno Padumuttaro mahāmuni /
khippaṃ gantvāna sambuddhaṃ payirupāsassu tam muni.' // ApTha_41,407. // 
in progress 
Yakkhassa vacanaṃ sutvā vippasannena cetasā /
assamaṃ saṃsāmetvāna nikkhamiṃ pavanā tadā. // ApTha_41,407. // 
in progress 
Cele va ḍayhamānamhi nikkhamitvāna assamā /
ekarattiṃ nivāsetvā upagacchiṃ vināyakaṃ. // ApTha_41,407. // 
in progress 
Padumuttaro lokavidū āhutīnaṃ paṭiggaho /
catusaccaṃ pakāsento deseti amataṃ padaṃ. // ApTha_41,407. // 
in progress 
Suphullapadumaṃ gayha upagantvā mahesino /
pasannacitto sumano Buddhassa abhiropayiṃ. // ApTha_41,407. // 
in progress 
Pūjayitvāna sambuddhaṃ jalajuttamanāyakaṃ /
ekaṃsaṃ ajinaṃ katvā santhaviṃ lokanāyakaṃ. // ApTha_41,407. // 
in progress 
Yena ñāṇena sambuddho vasatīha anāsavo /
taṃ ñāṇaṃ kittayissāmi; suṇotha mama bhasato: // ApTha_41,407. // 
in progress 
Saṃsārasotaṃ chinditvā tāresi sabbapāṇinaṃ /
tava dhammaṃ suṇitvāna taṇhāsotaṃ taranti te. // ApTha_41,407. // 
in progress 
Tuvaṃ satthā ca ketu cca dhajo yūpo ca pāṇinaṃ /
parāyaṇo patiṭṭhā ca dīpo ca dipaduttama. // ApTha_41,407. // 
in progress 
Yāvatā gaṇino loke satthavāhā pavuccare /
tuvaṃ aggo 'si sappañño tava antogadhā va te. // ApTha_41,407. // 
in progress 
Tava ñāṇena sappañño tāresi janataṃ bahuṃ /
tava dassanam āgamma dukkhass’ antaṃ karissare. // ApTha_41,407. // 
in progress 
Ye kec’ ime gandhajātā loke vāyanti cakkhumā /
tava gandhasamo n’ atthi puññakkhette mahāmune. // ApTha_41,407. // 
in progress 
Tiracchayoniṃ nirayaṃ parimocesi cakkhumā /
asaṅkhataṃ padaṃ santaṃ desesi tvaṃ mahāmune. // ApTha_41,407. // 
in progress 
Padumuttaro lokavidū āhutīnaṃ paṭiggaho /
bhikkhusaṅghe nisīditvā imā gāthā abhāsatha: // ApTha_41,407. // 
in progress 
(365) Yo me ñāṇam apūjesi pasanno sehi pāṇihi /
tam ahaṃ kittayissāmi; suṇotha mama bhāsato: // ApTha_41,407. // 
in progress 
Tiṃsakappasahassāni devaloke ramissati /
sahassakkhattuṃ rājā ca cakkavattī bhavissati. // ApTha_41,407. // 
in progress 
Suladdhalābhaṃ laddho 'mhi tosayitvāna subbataṃ /
sabbāsave pariññāya viharāmi anāsavo. // ApTha_41,407. // 
in progress 
Kilesā . . . pe . . . pe . . . // ApTha_41,407. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login