You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Sādhu sādhu kataññāsi Sāriputta; imaṃ tuvaṃ /
pabbājesi dijaṃ vuḍḍhaṃ hessat’ ājāniyo ayaṃ. // ApTha_54,536. // 
in progress 
(486) Tato alatthaṃ pabbajjaṃ kammavācopasampadaṃ /
naciren’ eva kālena pāpuṇiṃ āsavakkhayaṃ. // ApTha_54,536. // 
in progress 
Sakkaccaṃ munino vākyaṃ suṇāmi mudito sato /
paṭibhāneyyakānaggaṃ tato maṃ ṭhapayī jino. // ApTha_54,536. // 
in progress 
Kilesā . . . pe . . . pe . . . pe . . . // ApTha_54,536. // 
in progress 
Sāgataṃ . . . pe . . . pe . . . pe . . . // ApTha_54,536. // 
in progress 
Paṭisambhidā . . . pe . . . pe . . . pe . . . // ApTha_54,536. // 
in progress 
Itthaṃ sudaṃ āyasmā Rādho thero i. g. a-ti. 
in progress 
Rādhattherassa apadānaṃ samattaṃ. 
in progress 
537. Mogharāja. 
in progress 
Padumuttaro nāma jino sabbalokavidū muni /
ito satasahassamhi kappe uppajji cakkhumā. // ApTha_54,537. // 
in progress 
Ovādako viññāpako tārako sabbapāṇinaṃ /
desanākusalo Buddho tāresi janataṃ bahuṃ. // ApTha_54,537. // 
in progress 
Anukampako kāruṇiko hitesī sabbapāṇinaṃ /
sampatte titthiye sabbe pañcasīle patiṭṭhapi. // ApTha_54,537. // 
in progress 
Evaṃ nirākulaṃ āsi suññataṃ titthiyehi ca /
vicittaṃ arahantehi vasībhūtehi tādihi. // ApTha_54,537. // 
in progress 
Ratanānaṭṭhapaññāsaṃ uggato so mahāmuni /
kañcanagghiyasaṅkāso battiṃsavaralakkhaṇo. // ApTha_54,537. // 
in progress 
Vassasatasahassāni āyuṃ vijjati tāvade /
tāvatā tiṭṭhamāno so tāresi janataṃ bahuṃ. // ApTha_54,537. // 
in progress 
Tadā 'haṃ Haṃsavatiyā kule aññatare ahuṃ /
parakammāyane yutto n’ atthi me kiñci sandhanaṃ. // ApTha_54,537. // 
in progress 
Paṭikkamanasālāyaṃ vasanto katabhūmiyaṃ /
aggiṃ ujjālayiṃ tattha daḷhakaṇhā siyā mahī. // ApTha_54,537. // 
in progress 
Tadā parisatiṃ nātho catusaccapakāsako /
sāvakaṃ sampakittesi lūkhacīvaradhārakaṃ. // ApTha_54,537. // 
in progress 
Tassa tamhi guṇe tuṭṭho paṇipacca Tathāgataṃ /
lūkhacīvaradhāraggaṃ patthayiṃ ṭhānam uttamaṃ. // ApTha_54,537. // 
in progress 
Tadā avoca bhagavā sāvake Padumuttaro: /
passath’ etaṃ purisakaṃ kucelaṃ tanudehakaṃ // ApTha_54,537. // 
in progress 
(487) Pītippasannavadanaṃ saddhādhanasamanvitaṃ /
udaggatanujaṃ haṭṭhaṃ acalaṃ sālapiṇḍitaṃ. // ApTha_54,537. // 
in progress 
Eso pattheti taṃ ṭhānaṃ saccasenassa bhikkhuno /
lūkhacīvaradhārissa tassa vaṇṇagatāsayo. // ApTha_54,537. // 
in progress 
Taṃ sutvā mudito hutvā nipacca sirasā jinaṃ /
yāvajīvaṃ subhaṃ kammaṃ karitvā jinasāsane. // ApTha_54,537. // 
in progress 
Tena kammena sukatena cetanāpaṇidhīhi ca /
jahitvā mānusaṃ dehaṃ Tāvatiṃsūpago ahaṃ. // ApTha_54,537. // 
in progress 
Paṭikkamanasālāyaṃ bhumiḍāhakakammanā /
samasahassaṃ niraye aḍayhiṃ vedanaṭṭito. // ApTha_54,537. // 
in progress 
Tena kammāvasesena pañcajātisatān’ ahaṃ /
manusso kulajo hutvā tatiyākāraṇ’ aṅkito. // ApTha_54,537. // 
in progress 
Pañcajātisatān’ eva kuṭṭharogasamappito /
mahādukkhaṃ anubhaviṃ tassa kammassa vāhasā. // ApTha_54,537. // 
in progress 
Imamhi bhaddake kappe upaṭṭhitaṃ yasassinaṃ /
piṇḍapātena tappesiṃ pasannamanaso ahaṃ. // ApTha_54,537. // 
in progress 
Tena kammavisesena cetanāpaṇidhīhi ca /
jahitvā mānusaṃ dehaṃ Tāvatiṃsaṃ agacch' ahaṃ. // ApTha_54,537. // 
in progress 
Pacchime bhavasampatte ajāyiṃ khattiye kule /
pituno accayenāhaṃ mahārajjasamappito. // ApTha_54,537. // 
in progress 
Kuṭṭharogābhibhūto 'haṃ na rattiyaṃ sukhaṃ labhe /
mogharajjasukhaṃ yasmā mogharāja tato ahaṃ. // ApTha_54,537. // 
in progress 
Kāyassa dosaṃ disvāna pabbajiṃ anagāriyaṃ /
Bāvariyassa dijaggassa sissattaṃ ajjhupāgamiṃ. // ApTha_54,537. // 
in progress 
Mahatā parivārena upecca naranāyakaṃ /
apucchiṃ nipuṇaṃ pañhaṃ vāg-īsaṃ vādisūdanaṃ. // ApTha_54,537. // 
in progress 
"Ayaṃ loko paro loko brahmaloko sadevako /
diṭṭhi no, nābhijānāmi Gotamassa yasassiṇo? // ApTha_54,537. // 
in progress 
(488) Evaṃ abhikkantadassāviṃ atthi pañhena āgamaṃ /
kathaṃ lokaṃ avekkhantaṃ Maccurājā na passati? " // ApTha_54,537. // 
in progress 
"Suññato lokaṃ avekkhassu Mogharājā sadā sato /
attānudiṭṭhiṃ uhacca evaṃ maccutaro siyā. // ApTha_54,537. // 
in progress 
Evaṃ lokaṃ avekkhantaṃ Maccurājā na passāti" /
iti maṃ abhaṇī Buddho sabbarogatikicchako. // ApTha_54,537. // 
in progress 
Saha-gāthāvasānena kesamassu-vivajjito /
kāsāvavatthavasano āsi bhikkhu tathārahaṃ. // ApTha_54,537. // 
in progress 
Saṅghikesu vihāresu na vasiṃ rogapīḷito /
"mā vihāro padussīti": vācāy’ ābhisupīḷito // ApTha_54,537. // 
in progress 
Saṅkārakuṭā āhatvā susānā rathikāhi ca /
tato saṅghāṭikaṃ hutvā dhārayiṃ lūkhacīvaraṃ. // ApTha_54,537. // 
in progress 
Mahābhisakko tasmiṃ me guṇe tuṭṭho vināyako /
lūkhacīvaradhārīnaṃ etadagge ṭhapesi maṃ. // ApTha_54,537. // 
in progress 
Puññapāpaparikkhīṇo sabbarogavivajjito /
sikhī va anupādāno nibbāyissām’ anāsavo. // ApTha_54,537. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login