You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Satasahassaparivārena ahosiṃ, ‘ehi bhikkhavo' /
teh’ eva saha sabbehi a*rahattaṃ apāpuṇiṃ.* // ApTha_54,535. // 
in progress 
(484) Te ca-r-aññe 'va bahavo sissā maṃ parivārayuṃ /
sāsituñ ca samattho 'haṃ tato maṃ isisattamo // ApTha_54,535. // 
in progress 
Mahāparisabhāvasmiṃ etadagge ṭhapesi maṃ /
aho Buddhe kataṃ kāraṃ saphalam me ajāyatha. // ApTha_54,535. // 
in progress 
Kilesā . . . pe . . . pe . . . pe . . . // ApTha_54,535. // 
in progress 
Sāgataṃ . . . pe . . . pe . . . pe . . . // ApTha_54,535. // 
in progress 
Paṭisambhidā . . . pe . . . pe . . . pe . . . // ApTha_54,535. // 
in progress 
Itthaṃ sudaṃ āyasmā Uruvela-kassapo thero i. g. a-ti. 
in progress 
Uruvela-kassapattherassa apadānaṃ samattaṃ. 
in progress 
536. Rādha. 
in progress 
Padumuttaro nāma jino sabbalokavidū muni /
ito satasahassamhi kappe uppajji cakkhumā. // ApTha_54,536. // 
in progress 
Ovādako viññāpako tārako sabbapāṇinaṃ /
desanākusalo Buddho tāresi janataṃ bahuṃ. // ApTha_54,536. // 
in progress 
Anukampako kāruṇiko hitesi sabbapāṇinaṃ /
sampatte titthiye sabbe pañcasīle patiṭṭhapi // ApTha_54,536. // 
in progress 
Evaṃ nirākulaṃ āsi suññataṃ titthiyehi ca /
vicittaṃ arahantehi vasībhūtehi tādihi. // ApTha_54,536. // 
in progress 
Ratanānaṭṭhapaññāsaṃ uggato so mahāmuni /
kañcanagghiyasaṅkāso battiṃsavaralakkhaṇo. // ApTha_54,536. // 
in progress 
Vassasatasahassāni āyuṃ vijjati tāvade /
tāvatā tiṭṭhamāno so tāresi janataṃ bahuṃ. // ApTha_54,536. // 
in progress 
Tadā 'haṃ Haṃsavatiyā brāhmaṇo mantapāragū /
upecca taṃ naravaraṃ assosiṃ dhammadesanaṃ // ApTha_54,536. // 
in progress 
Paññāpentaṃ mahāvīraṃ parisāsu visāradaṃ /
paṭibhāneyyakaṃ bhikkhum etadagge vināyakaṃ. // ApTha_54,536. // 
in progress 
Tadā 'haṃ kāraṃ katvāna sasaṅghe lokanāyake /
nipacca sirasā pāde taṃ ṭhānaṃ abhipatthayiṃ. // ApTha_54,536. // 
in progress 
Tato maṃ bhagavā āha siṅginikkhasamappabho /
sarena rajanīyena kilesamalahāriṇā. // ApTha_54,536. // 
in progress 
Sukhī bhavassu dīghāyu sijjhataṃ paṇidhī tava /
sasaṅghe me kataṃ kāram atīva vipulaṃ tayā. // ApTha_54,536. // 
in progress 
(485) Satasahasse ito kappe Okkākakulasambhavo /
Gotamo nāma nāmena satthā loke bhavissati. // ApTha_54,536. // 
in progress 
Tassa dhammesu dāyādo oraso dhammanimmito /
Rādho ti nāmadheyyena hessati satthu sāvako. // ApTha_54,536. // 
in progress 
Sake hetuguṇe tuṭṭho Sakyaputto narāsabho /
paṭibhāneyyakānaggaṃ paññapessati nāyako. // ApTha_54,536. // 
in progress 
Taṃ sutvā mudito hutvā yāvajīvaṃ tadā jinaṃ /
mettacitto paricariṃ sato paññāsamāhito. // ApTha_54,536. // 
in progress 
Tena kammena sukatena cetanāpaṇidhīhi ca /
jahitvā mānusaṃ dehaṃ Tāvatiṃsaṃ agacch’ ahaṃ. // ApTha_54,536. // 
in progress 
Satānaṃ tīṇikkhattuñ ca devarajjam akārayiṃ /
satānaṃ pañcakkhattuñ ca cakkavatti ahos’ ahaṃ. // ApTha_54,536. // 
in progress 
Padesarajjaṃ vipulaṃ gaṇanāto asaṅkhiyaṃ /
sabbattha sukhito āsiṃ tassa kammassa vāhasā. // ApTha_54,536. // 
in progress 
Pacchime bhavasampatte Giribbajapuruttame /
jāto vippakule n’ iddhe vikalacchādanāsane. // ApTha_54,536. // 
in progress 
Kaṭacchubhikkhaṃ pādāsiṃ Sāriputtassa tādino /
yadā jiṇṇo ca vuddho ca tadārāmam upāgamiṃ. // ApTha_54,536. // 
in progress 
Pabbājenti na maṃ keci jiṇṇam dubbalathāmakaṃ /
tena jiṇṇo vivaṇṇaṅgo soko c’ āsiṃ tadā ahaṃ. // ApTha_54,536. // 
in progress 
Disvā mahākāruṇiko mam āha sa mahāmuni: /
kimatthaṃ putta sokaṭṭo? brūhi te cittajaṃ rujaṃ. // ApTha_54,536. // 
in progress 
Pabbajjaṃ na labhe vīra svākkhāte tava sāsane /
tena sokena dīno 'smi; saraṇaṃ hohi nāyaka. // ApTha_54,536. // 
in progress 
Tadā bhikkhū samānetvā āpucchi munisattamo /
imassa adhikāraṃ ye sarantā vyāharantu te. // ApTha_54,536. // 
in progress 
Sariputto tadāvoca: kāram assa sarāmi 'haṃ /
kaṭacchubhikkhaṃ dāpesi piṇḍāya carato mama. // ApTha_54,536. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login