You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
(502) Tadā Suddhodanen’ āhaṃ bhūmipālena pesito /
gantvā disvā dasabalaṃ pabbajitvā 'rahā ahuṃ. // ApTha_55,543. // 
in progress 
Tadā mahesiṃ yācitvā pāpayiṃ Kapilavhayaṃ /
tato punāhaṃ gantvāna pasādemi mahākulaṃ. // ApTha_55,543. // 
in progress 
Jino tasmiṃ guṇe tuṭṭho mam āha purisāsabho /
kulappasādakānaggaṃ paññāpesi vināyako. // ApTha_55,543. // 
in progress 
Kilesā . . . pe . . . pe . . . pe . . . // ApTha_55,543. // 
in progress 
Sāgataṃ . . . pe . . . pe . . . pe . . . // ApTha_55,543. // 
in progress 
Paṭisambhidā . . . pe . . . pe . . . pe . . . // ApTha_55,543. // 
in progress 
Itthaṃ sudaṃ āyasmā Kāḷudāyi thero i. g. a-ti. 
in progress 
Kāḷudāyittherassa apadānaṃ samattaṃ. 
in progress 
544. Abhaya. 
in progress 
Padumuttaro nāma jino sabbadhammesu cakkhumā /
ito satasahassamhi kappe uppajji nāyako. // ApTha_55,544. // 
in progress 
Saraṇāgamane kañci nivesesi Tathāgato /
kañci sīle nivesesi dasakammapathuttame. // ApTha_55,544. // 
in progress 
Deti kassaci so vīro sāmaññaphalam uttamaṃ /
samāpattī tathā aṭṭha tisso vijjā pavecchati. // ApTha_55,544. // 
in progress 
Chalabhiññāsu yojeti kañci sattaṃ naruttamo /
deti kassaci so nātho catasso paṭisambhidā. // ApTha_55,544. // 
in progress 
Bodhaneyyaṃ pajaṃ disvā asaṅkheyye 'pi yojane /
khaṇena upagantvāna vineti narasārathi. // ApTha_55,544. // 
in progress 
Tadā 'haṃ Haṃsavatiyā ahosiṃ brāhmaṇatrajo /
pāragū sabbavedānaṃ veyyākaraṇasammato, // ApTha_55,544. // 
in progress 
Niruttiyā ca kusalo nighaṇṭe ca visārado /
padako keṭubhavidū chandovicitikovido. // ApTha_55,544. // 
in progress 
Jaṅghāvihāraṃ vicaraṃ Haṃsārāmam upecc’ ahaṃ /
addasaṃ vadataṃ seṭṭhaṃ mahājana-purakkhataṃ // ApTha_55,544. // 
in progress 
Desentaṃ virajaṃ dhammaṃ paccanīka-matī ahaṃ /
upetvā tassa vākyāni sutvāna vimalān’ ahaṃ. // ApTha_55,544. // 
in progress 
(503) Vyāhaṭaṃ puna-r-uttañ ca apatthaṃ 'va niratthakaṃ /
nāddasaṃ tassa munino tato pabbajito ahaṃ. // ApTha_55,544. // 
in progress 
Naciren’ eva kālena sabbasatthavisārado /
nipuṇe Buddhavacane ahosiṃ gaṇisammato. // ApTha_55,544. // 
in progress 
Tadā catasso gāthāyo ganthavitvā suvyañjanā /
santhavitvā tilokaggaṃ desayissaṃ dine dine: // ApTha_55,544. // 
in progress 
"Viratto si mahāvīro saṃsāre sabhaye vasan /
karuṇāya na nibbāyi tato kāruṇiko muni. // ApTha_55,544. // 
in progress 
Puthujjano 'va yo satto na kilesavaso ahu /
sampajāno satiyutto tasmā eso acintiyo. // ApTha_55,544. // 
in progress 
Dubbalāni kilesāni yassa sayakatāni me /
ñāṇaggiparidaḍḍhāni na khīyisu tadabbhutaṃ. // ApTha_55,544. // 
in progress 
Yo sabbalokassa guru loko yassa tathā guru /
tathāpi lokacariyā loko tassānuvattako". // ApTha_55,544. // 
in progress 
Evamādīhi yaṃ Buddhaṃ kittayaṃ dhammadesakaṃ /
yāvajīvaṃ karitvāna gato saggaṃ tato cuto. // ApTha_55,544. // 
in progress 
Satasahasse ito kappe yaṃ Buddhaṃ abhikittayiṃ /
duggatiṃ nābhijānāmi kittanāya idaṃ phalaṃ. // ApTha_55,544. // 
in progress 
Devaloke mahārajjaṃ rajjapādesikañ ca yaṃ /
cakkavatti mahārajjaṃ bahuso 'nubhaviṃ ahaṃ. // ApTha_55,544. // 
in progress 
Duve bhave pajāyāmi devatte atha mānuse /
aññaṃ gatiṃ na jānāmi kittanāya idaṃ phalaṃ. // ApTha_55,544. // 
in progress 
Duve kule pajāyāmi khattiye atha brāhmaṇe /
nīce kule na jānāmi kittanāya idaṃ phalaṃ. // ApTha_55,544. // 
in progress 
Pacchime ca bhave dāni Giribbaja-puruttame /
rañño *'haṃ Bimbisā*rassa putto nāmena c’ Ābhayo. // ApTha_55,544. // 
in progress 
Pāpamittavasaṃ gantvā Nigaṇṭhena vimohito /
pesito Nāṭaputtena Buddhaseṭṭhaṃ upecc ahaṃ. // ApTha_55,544. // 
in progress 
(504) Pucchitvā nipuṇaṃ pañhaṃ sutvā vyākaraṇ-uttamaṃ /
pabbajitvāna naciraṃ arahattaṃ apāpuṇiṃ. // ApTha_55,544. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login