You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Sāmaññaṃ me anuppattaṃ kilesā jhāpitā mayā /
maṇḍape rukkhamūle vā santāpo me na vijjati. // ApTha_40,396. // 
in progress 
Tiṃsakappasahassamhi yaṃ dānam adadiṃ tadā /
duggatiṃ nābhijānāmi sabbadānass’ idaṃ phalaṃ. // ApTha_40,396. // 
in progress 
Kilesā . . . pe . . . pe . . . // ApTha_40,396. // 
in progress 
Sāgataṃ . . . pe . . . pe . . . // ApTha_40,396. // 
in progress 
Paṭisambhidā . . . pe . . . pe . . . // ApTha_40,396. // 
in progress 
Itthaṃ sudam āyasmā Sabbadāyako thero i. g. a-ti. 
in progress 
*Sabbadāyakattherassa apadānaṃ samattaṃ.* 
in progress 
397. Ajita. 
in progress 
Padumuttaro nāma jino sabbadhammāna pāragū /
ajjhogāhetvā Himavantaṃ nisīdi lokanāyako. // ApTha_40,397. // 
in progress 
Nāham addakkhiṃ sambuddhaṃ na pi saddaṃ suṇom’ ahaṃ /
mamaṃ bhikkhaṃ gavesanto āhiṇḍāmi vane ahaṃ. // ApTha_40,397. // 
in progress 
Tatth’ addasāsiṃ sambuddhaṃ dvattiṃsavaralakkhaṇaṃ /
disvāna cittam āpajjiṃ: satto ko nām’ ayaṃ bhave? // ApTha_40,397. // 
in progress 
Lakkhaṇāni viloketvā mama vijjam anussariṃ /
sutaṃ hi me taṃ Buddhānaṃ paṇḍitānaṃ subhāsitaṃ. // ApTha_40,397. // 
in progress 
Tesaṃ tathā taṃ vacanam: ayaṃ Buddho bhavissati /
yannunāhaṃ sakkareyyaṃ gatiṃ me sodhayissati. // ApTha_40,397. // 
in progress 
Khippam assamam āgantvā dumatelaṃ gahim ahaṃ /
kolambakaṃ gahetvāna upagacchiṃ vināyakaṃ. // ApTha_40,397. // 
in progress 
Tidaṇḍake gahetvāna abbhokāse ṭhapes' ahaṃ /
padīpaṃ pajjaletvāna aṭṭhakkhattum avand’ ahaṃ. // ApTha_40,397. // 
in progress 
(336) Sattarattindivaṃ Buddho nisīdi purisuttamo /
tato ratyā vivasane vuṭṭhāsi lokanāyako. // ApTha_40,397. // 
in progress 
Pasannacitto sumano sabbarattindivam ahaṃ /
dīpaṃ Buddhassa pādāsiṃ pasanno sehi pānihi. // ApTha_40,397. // 
in progress 
Sabbe vanā gandhamayā pabbate Gandhamādane /
Buddhass’ ānubhāvena upagacchuṃ tadā jinaṃ. // ApTha_40,397. // 
in progress 
Ye keci pupphagandhā ye pupphitā dharaṇīruhā /
Buddhass’ ānubhāvena sabbe sannipatuṃ tadā. // ApTha_40,397. // 
in progress 
Yāvatā Himavantamhi nāgā ca garuḷā ubho /
dhammañ va sotukāmā te āgacchuṃ Buddhasantike. // ApTha_40,397. // 
in progress 
Devalo nāma samaṇo Buddhassa aggasāvako /
vasīsatasahassehi Buddhasantik’ upāgami. // ApTha_40,397. // 
in progress 
Padumuttaro lokavidū āhutīnaṃ paṭiggaho /
bhikkhusaṅghe nisīditvā imā gāthā abhāsatha: // ApTha_40,397. // 
in progress 
Yo me dīpaṃ padīpesi pasanno sehi pānihi /
tam ahaṃ kittayissāmi: suṇotha mama bhāsato: // ApTha_40,397. // 
in progress 
Saṭṭhiṃ kappasahassāni devaloke ramissati /
sahassakkhattuṃ rājā ca cakkavattī bhavissati. // ApTha_40,397. // 
in progress 
Chattiṃsakkhattuṃ devindo devarajjaṃ karissati /
pathaviyaṃ sattasataṃ vipulaṃ rajjaṃ karissati /
padesarajjaṃ vipulaṃ gaṇanāto asaṅkhiyaṃ. // ApTha_40,397. // 
in progress 
Iminā dīpadānena dibbacakkhu bhavissati /
samantato aḍḍhakosaṃ passissati ayaṃ sadā. // ApTha_40,397. // 
in progress 
Devalokā cavantassa nibbattantassa jantuno /
divā vā yadi vā rattiṃ padīpaṃ dhārayissati /
jāyamānassa santassa puññakammasamaṅgiṇo. // ApTha_40,397. // 
in progress 
Yāvatā nagaram āsi tāvatā jotayissati /
upapajjati yaṃ yoniṃ devattam atha mānusaṃ. // ApTha_40,397. // 
in progress 
Ass’ eva dīpadānassa aṭṭhadīpaphalena hi /
*na* jahissant’ imaṃ jantuṃ dīpadānass’ idaṃ phalaṃ. // ApTha_40,397. // 
in progress 
(337) Kappasatasahassamhi Okkākakulasambhavo /
Gotamo nāma nāmena satthā loke bhavissati. // ApTha_40,397. // 
in progress 
Tassa dhammesu dāyādo oraso dhammanimmito /
sabbāsave pariññāya nibbāyissat’ anāsavo. // ApTha_40,397. // 
in progress 
Tosayitvāna sambuddhaṃ Gotamaṃ Sakyapuṅgavaṃ /
Ajito nāma nāmena hessati satthu sāvako. // ApTha_40,397. // 
in progress 
Saṭṭhiṃ kappasahassāni devaloke ramim ahaṃ /
tatrāpi me dīpasataṃ jotare niccakālikaṃ. // ApTha_40,397. // 
in progress 
Devaloke manusse vā niddhāvanti pabhā mama /
Buddhasetthaṃ saritvāna bhiyyo bhāsaṃ janes’ ahaṃ. // ApTha_40,397. // 
in progress 
Tusitāhaṃ cavitvāna okkamiṃ mātukucchiyā /
jāyamānassa santassa āloko vipulo ahu. // ApTha_40,397. // 
in progress 
Agārā abhinikkhamma pabbajim anagāriyaṃ /
Bāvarim upasaṅkamma sissattham ajjhupāgamiṃ. // ApTha_40,397. // 
in progress 
Himavante vasanto 'haṃ assosiṃ lokanāyakaṃ /
uttamatthaṃ gavesanto upagacchiṃ vināyakaṃ. // ApTha_40,397. //  Danto Buddho ca medhāvī oghatiṇṇo nirūpadhī /
nibbānaṃ kathayi Buddho sabbadukkhappamocanaṃ. // ApTha_40,397. // 
in progress  in progress 
Tam me āgamanaṃ siddhaṃ tosito 'haṃ mahāmuniṃ /
tisso vijjā anuppattā kataṃ Buddhassa sāsanaṃ. // ApTha_40,397. // 
in progress 
Satasahasse ito kappe yaṃ dīpam adadiṃ tadā /
duggatiṃ nābhijānāmi dīpadānass’ idaṃ phalaṃ. // ApTha_40,397. // 
in progress 
Kilesā . . . pe . . . pe . . . // ApTha_40,397. // 
in progress 
Sāgataṃ . . . pe . . . pe . . . // ApTha_40,397. // 
in progress 
Paṭisambhidā . . . pe . . . pe . . . // ApTha_40,397. // 
in progress 
Itthaṃ sudam āyasmā Ajito thero i. g. a-ti. 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login