You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Paṭibhānena cittena aññe samatimaññ’ ahaṃ /
pesal’ etena saṃviggo arahattaṃ apāpuṇiṃ. // ApTha_55,541. // 
in progress 
Paṭibhānavataṃ aggo añño koci na vijjati /
yathāyaṃ bhikkhu Vaṅgīso, evaṃ dhāretha bhikkhavo // ApTha_55,541. // 
in progress 
Satasahasse kataṃ kammaṃ phalaṃ dassesi me idha /
sumutto saravego ca kilese jhāpayiṃ mama. // ApTha_55,541. // 
in progress 
Kilesā . . . pe . . . pe . . . pe . . . // ApTha_55,541. // 
in progress 
Sāgataṃ . . . pe . . . pe . . . pe . . . // ApTha_55,541. // 
in progress 
Paṭisambhidā . . . pe . . . pe . . . pe . . . // ApTha_55,541. // 
in progress 
Itthaṃ sudaṃ āyasmā Vaṅgīso thero i. g. a-ti. 
in progress 
Vaṅgīsattherassa apadānaṃ samattaṃ. 
in progress 
(499) 542. Nandaka. 
in progress 
Padumuttaro nāma jino sabbadhammesu cakkhumā /
ito satasahassamhi kappe uppajji nāyako. // ApTha_55,542. // 
in progress 
Hitāya sabbasattānaṃ sukhāya vadataṃ varo /
atthāya purisājañño paṭipanno sadevake. // ApTha_55,542. // 
in progress 
Yasaggapatto sirimā kittivaṇṇabhato jino /
pūjito sabbalokassa disā sabbā suvissuto. // ApTha_55,542. // 
in progress 
Uttiṇṇavicikiccho so vītivattakathaṃkatho /
paripuṇṇamanasaṅkappo patto sambodhim uttamaṃ. // ApTha_55,542. // 
in progress 
Anuppannassa maggassa uppādetā naruttamo /
anakkhātañ ca akkhāsi asañjātañ ca sañjanī. // ApTha_55,542. // 
in progress 
Maggaññū so maggavidū maggakkhāyī narāsabho /
maggassa kusalo satthā sārathīnaṃ varuttamo. // ApTha_55,542. // 
in progress 
Tadā mahākaruṇiko dhammaṃ deseti nāyako /
nimugge mohamaggamhi samuddharati pāṇino. // ApTha_55,542. // 
in progress 
Bhikkhunīnaṃ ovadane sāvakaṃ seṭṭhasammataṃ /
vaṇṇayaṃ etadaggamhi paññāpesi mahāmuni. // ApTha_55,542. // 
in progress 
Taṃ sutvā 'haṃ pamudito nimantetvā Tathāgataṃ /
bhojayitvā sasaṅghaṃ taṃ patthayiṃ thānam uttamaṃ. // ApTha_55,542. // 
in progress 
Tadā pamudito nātho maṃ avoca mahāisi: /
sukhī bhavassu dīghāyu, lacchase taṃ manorathaṃ. // ApTha_55,542. // 
in progress 
Satasahasse ito kappe Okkākakulasambhavo /
Gotamo nāma nāmena satthā loke bhavissati. // ApTha_55,542. // 
in progress 
Tassa dhammesu dāyādo oraso dhammanimmito /
Nandako nāma nāmena hessati satthu sāvako. // ApTha_55,542. // 
in progress 
Tena kammena sukatena cetanāpaṇidhīhi ca /
jahitvā mānusaṃ dehaṃ Tāvatiṃsupago ahaṃ. // ApTha_55,542. // 
in progress 
Pacchime ca bhave dāni jāto seṭṭhikule ahaṃ /
Sāvatthiyaṃ puravare iddhe phīte mahaddhane. // ApTha_55,542. // 
in progress 
Purappavese sugataṃ disvā vimhitamānaso /
Jetārāmapaṭiggāhe pabbajiṃ anagāriyaṃ. // ApTha_55,542. // 
in progress 
(500) Naciren’ eva kālena arahattaṃ apāpuṇiṃ /
tato 'ham tiṇṇasaṃsāro sāsito sabbadassinā. // ApTha_55,542. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login