You are here: BP HOME > PT > Khuddakanikāya: Apadāna > fulltext
Khuddakanikāya: Apadāna

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Khuddakanikāya: Apadāna
    Click to Expand/Collapse Option Complete text
Click to Expand/Collapse OptionBuddhāpadānaṃ
Click to Expand/Collapse OptionPaccekabuddhāpadānaṃ
Click to Expand/Collapse OptionTherāpadānaṃ
Click to Expand/Collapse OptionTherī Apadāna
Back to library
Panthamhisamaṇaṃ disvā santacittaṃ samāhitaṃ /
pasannacittā sumanā modake tīṇi dās’ ahaṃ. // ApThi_2,13. // 
in progress 
(525) Tenakammena sukatena cetanāpaṇidhīhi ca /
ekanavuti-kappāni vinipātaṃ n’ agacch' ahaṃ. // ApThi_2,13. // 
in progress 
Sampattiṃtaṃ karitvāna sabbaṃ anubhaviṃ ahaṃ /
modake tīṇi datvāna pattā 'haṃ acalaṃ padaṃ. // ApThi_2,13. // 
in progress 
Kilesā. . . pe . . . pe . . . pe . . . // ApThi_2,13. // 
in progress 
Sāgataṃ. . . pe . . . pe . . . pe . . . // ApThi_2,13. // 
in progress 
Paṭisambhidā. . . pe . . . pe . . . pe . . . // ApThi_2,13. // 
in progress 
Itthaṃ sudaṃ āyasmā Timodakadāyikā bhikkhunī i. g. a-ti. 
in progress 
Modakadāyikāya theriyā apadānaṃ samattaṃ. 
in progress 
14. Ekāsanadāyikā. 
in progress 
Nagare Haṃsavatiyā ahosiṃ mālikā tadā /
mātā ca me pitā c’ eva kammantaṃ agamaṃsu te. // ApThi_2,14. // 
in progress 
Majjhantikamhi suriye addasaṃ samaṇaṃ ahaṃ /
vīthiyā anugacchantaṃ āsanaṃ paññapes’ ahaṃ. // ApThi_2,14. // 
in progress 
Gonakāvikatikāhi paññapetvā hav’ āsanaṃ /
pasannacittā sumanā imaṃ vacanam abruviṃ: // ApThi_2,14. // 
in progress 
"Santattā kaṭhitā bhūmi sūro majjhantike ṭhito /
mālutā ca na vāyanti kālo c’ ev’ attham eti taṃ. // ApThi_2,14. // 
in progress 
Paññattaṃ āsanam idaṃ tavatthāya mahumune /
anukampaṃ upādāya nisīda mama āsane". // ApThi_2,14. // 
in progress 
Nisīdi tattha samaṇo sudanto suddhamānaso /
tassa pattaṃ gahetvāna yathārandhaṃ adās’ ahaṃ. // ApThi_2,14. // 
in progress 
Tena kammena sukatena cetanāpaṇidhīhi ca /
jāhitvā mānusaṃ dehaṃ Tāvatiṃsaṃ agacch’ ahaṃ // ApThi_2,14. // 
in progress 
Tattha me sukataṃ vyamhaṃ āsanena sunimmitaṃ /
saṭṭhiyojanam ubbiddhaṃ tiṃsayojanavitthataṃ. // ApThi_2,14. // 
in progress 
(526) Suvaṇṇamayā maṇimayā atho pi phalikāmayā /
lohitaṅkamayā c’ eva pallaṅkā vividhā mama. // ApThi_2,14. // 
in progress 
Tūlikāvikatikāhi kaṭṭhissāvikatikāhi ca /
uddhaṃ-ekantalomī ca pallaṅko me susanthato. // ApThi_2,14. // 
in progress 
Yadā icchāmi gamanaṃ hāsakhiḍḍasamappitaṃ /
saha pallaṅkaseṭṭhena gacchāmi mama patthitaṃ. // ApThi_2,14. // 
in progress 
Asītidevarājānaṃ mahesittaṃ *akārayiṃ /
sattati*cakkavattīnaṃ mahesittaṃ akārayiṃ. // ApThi_2,14. // 
in progress 
Bhavābhave saṃsarantī mahābhogaṃ labhām’ ahaṃ /
bhoge me ūnatā n’ atthi ekāsanaphalaṃ idaṃ. // ApThi_2,14. // 
in progress 
Duve bhave saṃsarāmi devatte atha mānuse /
aññe bhave na jānāmi ekāsanaphalaṃ idaṃ. // ApThi_2,14. // 
in progress 
Duve kule pajāyāmi khattiye cāpi brāhmaṇe /
uccākulikā sabbattha ekāsanaphalaṃ idaṃ. // ApThi_2,14. // 
in progress 
Domanassaṃ na jānāmi cittasantāpanaṃ mama /
vevaṇṇiyaṃ na jānāmi ekāsanaphalaṃ idaṃ. // ApThi_2,14. // 
in progress 
Dhātiyo maṃ upaṭṭhanti khujjā celāvikā bahū /
aṅkena aṅkaṃ gacchāmi ekāsanaphalaṃ idaṃ. // ApThi_2,14. // 
in progress 
Aññe nahāpenti bhojenti aññe rāmenti maṃ sadā /
aññe gandhaṃ vilimpanti ekāsanaphalaṃ idaṃ. // ApThi_2,14. // 
in progress 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login