Bibliotheca Polyglotta

Complete text

Himavantass’ avidūre Romaso nāma pabbato /
Buddho pi Sambhavo nāma abbhokāse vasī tadā. // ApTha_35,344. //

in progress

Bhavanā nikkhamitvāna padumaṃ dhārayim ahaṃ /
*ekāhaṃ* dhārayitvāna punabbhavaṃ upāgamiṃ. // ApTha_35,344. //

in progress

(280) Ekanavute ito kappe yaṃ puppham abhipūjayiṃ /
duggatiṃ nābhijānāmi Buddhapūjāy’ idaṃ phalaṃ. // ApTha_35,344. //

in progress

Paṭisambhidā . . . pe . . . pe . . . // ApTha_35,344. //

in progress

Itthaṃ sudam āyasmā Padumapūjako thero i. g. a-ti.

in progress

Padumapūjakattherassa apadānaṃ samattaṃ.

in progress

345. Tiṇamuṭṭhidāyaka.

in progress

Himavantass’ avidūre Lambako nāma pabbato /
Upatisso nāma sambuddho abbhokāsamhi caṅkami. // ApTha_35,345. //

in progress

Migaluddo pure āsim araññe kānane ahaṃ /
disvāna taṃ devadevaṃ sayambhum aparājitaṃ // ApTha_35,345. //

in progress

Vippasannena cittena tadā tassa mahesino /
nisīdanatthaṃ Buddhassa tiṇamuṭṭhim adās’ ahaṃ. // ApTha_35,345. //

in progress

Datvāna devadevassa bhiyyo cittaṃ pasādayiṃ /
sambuddham abhivāde*tvā pakkāmiṃ ut*tarāmukho. // ApTha_35,345. //

in progress

Aciraṃ gatamattam maṃ migarājā aheṭhayi /
sīhena pātito santo tattha kālakato ahaṃ. // ApTha_35,345. //

in progress

Āsanne me kataṃ kammaṃ Buddhaseṭṭhe anāsave /
sumutto saravego ca devalokam agacch' ahaṃ. // ApTha_35,345. //

in progress

Yūpo tattha9 *subho* āsi puññakammābhinimmito /
sahassakaṇḍo satageṇḍu dhajālu haritāmayo. // ApTha_35,345. //

in progress

http://www2.hf.uio.no/common/apps/permlink/permlink.php?app=polyglotta&context=ctext&uid=24d12a9b-8d51-11e6-98cc-0050569f23b2

Choose languages